将军澳日出康城的全新大型商场「The LOHAS」开咗接近半年，一直未有时间过去行下，见今日天气唔错，一于嚟个short trip，顺便喺商场揾食。

哗！原来个商场都几有规模，除了有餐厅、小食店、戏院、数码游乐专区，另外仲有好多以期间限定形式登场嘅本地人气小店，感觉好似去咗一个大型市集一样。见地方咁大，提议不如先去吃饭，然后再慢慢逛。

喺商场 4 楼见到呢间门面十分光鲜的「天后站清汤腩」，记得之前睇过杂志介绍，话店主曾于本港著名的清汤腩店任职大厨 10 多年，而康城呢间新店已经系品牌喺香港嘅第三间店舖，足见实力，一于试下。

我哋点咗清汤牛腩饭 ($59)、五香牛展担担面 ($53)，另外再加咗碟炸鱼皮 ($25)。

先嚟嘅清汤牛腩，香味十足，离远已闻到一阵浓香牛腩味。汤底有鲜明香料味道，滋味有层次。牛腩焖得非常入味，口感爽中带腍滑，肉质有弹性。萝卜亦清甜好吃，加上吸收了牛腩精华，啖啖甘香，软腍度亦适中。

至于另一客五香牛展担担面，味道不错，送上来时香气扑鼻。面条细滑爽弹，入口有好浓郁的麻酱同花生酱香味，辣度温和，而且就算放了一会儿才吃亦没有变糊，十分抵赞。面头的牛展食味亦不俗， 筋软肉嫩，入口 firm 而不硬实，非常好吃。

另外碟炸鱼皮亦非常之正，不但份量足，而且炸得十分酥脆，入口后「咔嚓声」此起彼落，够干身又唔油腻。

饮品点咗热柠茶、热奶茶，跟餐价每杯只须 +$6，非常抵饮。