情人节嘅夜晚冇咩节目，都系系荃湾手拖手行街街。正苦恼晚餐食咩嘅时候（外卖要揾地方食），呢间系荃湾新开嘅汉堡包店转嚟阵阵嘅芝士同汉堡扒嘅香味，见门口都几多人等紧拎外卖。作为一个外卖嘅选择，汉堡包的确系几适合，应该值得一试，于是就二话不说一人一个餐。两个包基本上都冇分别，只系一个双层一个普通版，都系牛肉同芝士，大食嘅我要食双层先够。
先讲个包，佢地嘅牛肉比较结实，系有嚼劲种，配搭住有啲咸味嘅芝士，都几惹味，不过如果可以多啲其他配料包括例如洋葱生菜番茄会开心好多。薯条系我钟意嘅幼身薯条，因为我钟意薯条外皮嘅香口，呢种就啱我心水，份量好够。食完可以摸著肚皮继续手拖手去海滨甜蜜下，消化下呢一餐咁饱肚嘅情人节晚餐。

某天去开荃湾
泊车后见到一开好红好吸睛嘅汉堡外卖
细看下佢主打牛肉汉堡

之后上网揾下 原来佢系Burger Joy副线
所以二话不说 去试下先
由于店舖只有牛肉汉堡或芝士牛肉汉堡
所以我相信佢地店应该系贵精不贵多
用心做好一款美食更能留住客人

我点咗芝士牛肉汉堡餐 （包薯条汽水）$78
如果斋牛肉汉堡餐则 $68
初时以为现成牛肉扒
但原来店内用肉碎再煎押成汉堡型
而且制作过程全部对外公开
软弹的包皮 配缓缓流岀的车打芝士
加上肉汁丰富的牛肉扒
感受到快餐都可以好好味

店舖仲有一大优惠
就系加$10就可以加多热狗️一只
热狗肠系用厨师肠
所以梗系无得弹

只系因为外卖关系
买完要快啲享用
如果唔系薯条淋咗就无咁香口

行过享和街闻到诱人的牛脂香，见到红当当Lucky Smash，原来是burger 店。
最平$68一个 牛肉汉堡套餐（有炸薯条及汽水）另外加$10有热狗，即是$78有午餐有早餐，价钱合理。
.
一打开个纸袋见到红色一粒粒野，有种莫名其妙的可爱。都好适合今年牛年。
汉堡真心是正的，一咬牛肉味在口中爆发，juicy又热辣辣，肉质踏实有咬口，好好食！
芝士汉堡cheesy，好吸引。
.
薯条都是用红纸包裹着，好得意又方便。
.
店主是讲英文的，播著好yo的英文歌。在荃湾local地方讲英文落order食burger，难得，有种去了中环soho 的感觉呢。

荃湾的这间食汉堡饱的 Lucky Smash ，平时行过都见到有人排队及等取食物，所以今日经过就过来买个套餐。

在堂上可以见到员工即埸制作汉堡饱，真是新鲜又有眼福。

牛肉汉堡套餐 配鲜炸薯条及气水$68
牛肉汉堡拿上手还热辣辣的，牛肉十分香，皆因整个汉堡饱面夹着的除了有松软多汁的牛肉，还有洋葱、 蕃茄、生菜…等等，令汉堡包食落口感丰富、口感松软、多汁又好味！！
薯条切到较为长条，食落有薯味，点上酸酸甜甜的茄酱，再配上冰冻的可乐， 真的很滋味。

芝士牛肉汉堡套餐 配鲜炸薯条及汽水$78
芝士牛肉汉堡，比牛肉汉堡多了整件的芝士，令牛肉、洋葱、 蕃茄、生菜及整个汉堡饱带着芝土的香，味道更为出色，好味！！

其实几钟意食burger。知道港岛区burger joys系荃湾开左副线Lucky smash…经过当然要去试下…

呢度系做外卖…选择好简单…burger或者hot dog。burger就拣有芝士定无…之后就要双层定单层。open kitchen形式…可以睇到店员好努力咁整包同可以知道卫生情况

我就拣左双层芝士牛肉汉堡同芝士牛肉汉堡。

等左10分钟左右就有得食…当然即刻试下炸薯条…热辣辣…外脆内软。即刻赶番屋企食包。

打开个包…芝士已经同牛肉汉堡混为一体…即刻咬啖…牛肉汉堡好香牛肉味同非常juicy…好味。

burger joys 出品果然有保证