年初6🧧开工大吉🎉 放工见到呢间铺门口好多人排队😆
红卜卜~门口写住行运汉堡 - Lucky Smash 😍相当应节 ~ 紧系要排队去买黎食行番个运拉 ~
店内用左开放式厨房，望住佢地煮好过隐 ~
所有汉堡包即叫即制🙈 热辣辣🤩
今次外卖左个🐂芝士牛肉汉堡餐🍔$78，包埋汽水同薯条 ~
加多$10 仲可以试埋只行运热狗🌭 超抵食!! 🤭
一路等外卖，不停有人黎买，排长龙😬 食好野要等下在所难免 ~
结果果然无令我失望🤩汉堡牛有牛味，好Juicy，配搭埋新鲜既蕃茄同生菜，
浓郁既芝士，仲有我最爱既千岛酱，直头系perfect match🙌🏻 好丰富嘅口感
薯条相信大家成日都食嫁拉🤣起初以为无咩特别，
点知今次呢个薯条超有薯仔味🥔 食到停唔到，好好食好邪恶呀😆
食左个餐巳经够哂饱😎 再食埋只行运热狗🌭
热狗一般多数都系面包夹肠，佢地配埋生菜用千岛酱，好惹味😋
面包系有烤过嫁👍🏻好香好脆 ~
唔跟餐就咁单点都系 $18 只热狗🌭 真系物超所值 !
💥 荃湾享和街小店 😙 经过真系要入去试下 😂食完会好饱好满足🎉

去同朋友拜年前，点都要打个底。上去人哋屋企轻食最岩。经过Lucky Smash，不停有人排队，行到门前香味扑鼻。

原来系burger joy副线，难怪咁多人排队 ，而家唔洗去港岛都食到喇。

只有外卖嘅餐牌选择简单，原因重质不重量，所以好快拣好食乜嘢。我哋唔想食太多炸嘢，拣咗1个餐加多个包已经好足够轻食。

现场睇住汉堡即叫即做，睇住煎汉堡饱、煎牛肉、薯条即炸包起，安心食用，虽然人多等外卖，等候时间不超过10分钟，认真快手。

汽水系罐装，我就比较钟意罐装嘅。

set 1 双层芝士牛肉汉堡 薯条 饮品$98
打开包装，汉堡厚身，我差小小个口唔够大一啖咬落去，酱汁一啲都唔吝啬，睇相都知爆汁，仲有满泻邪恶嘅浓味芝士，汉堡口感实净咬落去肉质不松散，也充满肉汁。 汉堡之间配菜蕃茄洋葱配搭充满口感。

薯条较幼身，份量算多，即炸起望住系盘嘅样子一条条撑起真心吸引，炸起就包住应该焗林左，有啲唔开心享受唔到最佳口感。

芝士牛肉汉堡$58
少一层牛肉汉堡层亦不失礼，女性可以食得有仪态啲😆松软面包我最钟意，唔会系面包顶到饱，份量岩岩好。少一层芝士无咁浓郁芝士味更能吃到牛肉嘅香味。

情人节晚市无堂食，于是外卖burger做晚餐。新年食完行运汉堡，希望有好运行!
呢间汉堡店只做外卖，唔少人排队。因为系开放式厨房，所以你可以望住点整。
我地只能够去公园开餐。我地叫左两个餐，跟套餐包鲜炸薯条、汽水。
双层芝士牛肉汉堡同芝士牛肉汉堡既分别系前者多左块汉堡扒。如果系食肉兽，建议食前者，饱足感会大好多。
两块嘉顿面包夹住汉堡扒、热溶芝士，番茄、生菜，我仲食到啲洋葱添。
鲜炸薯条属于幼薯条，份量十足。

情人节嘅夜晚冇咩节目，都系系荃湾手拖手行街街。正苦恼晚餐食咩嘅时候（外卖要揾地方食），呢间系荃湾新开嘅汉堡包店转嚟阵阵嘅芝士同汉堡扒嘅香味，见门口都几多人等紧拎外卖。作为一个外卖嘅选择，汉堡包的确系几适合，应该值得一试，于是就二话不说一人一个餐。两个包基本上都冇分别，只系一个双层一个普通版，都系牛肉同芝士，大食嘅我要食双层先够。
先讲个包，佢地嘅牛肉比较结实，系有嚼劲𠮶种，配搭住有啲咸味嘅芝士，都几惹味，不过如果可以多啲其他配料包括例如洋葱生菜番茄会开心好多。薯条系我钟意嘅幼身薯条，因为我钟意薯条外皮嘅香口，呢种就啱我心水，份量好够。食完可以摸著肚皮继续手拖手去海滨甜蜜下，消化下呢一餐咁饱肚嘅情人节晚餐。

某天去开荃湾
泊车后见到一开好红好吸睛嘅汉堡外卖
细看下佢主打牛肉汉堡

之后上网揾下 原来佢系Burger Joy副线
所以二话不说 去试下先
由于店舖只有牛肉汉堡或芝士牛肉汉堡
所以我相信佢地店应该系贵精不贵多
用心做好一款美食更能留住客人

我点咗芝士牛肉汉堡餐 （包薯条🍟汽水🥤）$78
如果斋牛肉汉堡餐则 $68
初时以为现成牛肉扒
但原来店内用肉碎再煎押成汉堡型
而且制作过程全部对外公开
软弹的包皮 配缓缓流岀的车打芝士
加上肉汁丰富的牛肉扒
感受到快餐都可以好好味

店舖仲有一大优惠
就系加$10就可以加多热狗🌭️一只
热狗肠系用厨师肠
所以梗系无得弹

只系因为外卖关系
买完要快啲享用
如果唔系薯条🍟淋咗就无咁香口