店铺：凤鸣石磨肠粉 (观塘)
地址：观塘开源道68号观塘广场地下G34号舖

凤鸣石磨肠粉喺一间港式外卖黄店💛，有5间分店，喺香港首创嘅手工石磨「黑米」、「红米」肠粉专门店，由米浆、肠粉，豆浆、配料同饮品等，全部都系无加工人手自家制，相对较为新鲜有营养

红米鸡蛋猪肉肠粉套餐配粢饭 $42
呢个套餐有肠粉、烧卖六粒、粢饭同埋豆浆，肠粉系用红米制造，鸡蛋嘅份量占咗一半🥚，中间加咗唔少猪肉碎，唔知有冇爱葱人士呢😻？虽然红米肠粉本身有啲淡而无味，但加咗香蒜香葱同埋少少豉油就鲜味好多

粢饭入面有蛋黄、肉松同埋油炸鬼，都几大旧，食落啲饭唔会好黏，唔会食到成口浆住嘅感觉👍；当晚餐嚟食嘅话，因为淀粉质量都几高，所以都算够饱😋。豆浆豆香几重，唔会有渣，不过就略嫌有啲甜，但因为人人口味唔同，我个人唔太钟意食咁浓味嘅嘢，唔知你试过又觉得点呢？

PS: 今次用咗GoodMalling app嘅优惠，所以买呢个套餐有8折只需$42，原价要$53