今日经过点心店,以为系新开,装修同名字都几新。 但铜锣湾分店原来系2018年左右开业,仲有筲箕湾、佐敦分店。部分点心更系少有款式,试完果然无令小编失望。
不是炸两$30 /1 大条
呢度嘅炸两同平时唔同,多咗鲜虾馅料,而且
唔止系油炸鬼,仲内藏丝网春卷,外皮又簿又滑,内里香脆可口,非常滋味。
原只鲍鱼烧卖 $35/2 件
鲍鱼软身易嚼,一分钱一分货。所以,鲍鱼大细合理。烧卖亦系足料,多肉馅。唯独系略嫌鲍汁酱过多,令鲍鱼偏咸味。
海皇芝士千丝卷 $27/4件
脆卜卜嘅外层,「千丝万缕」包住虾春卷,每件都有小虾,有嚼劲。可惜,欠缺芝士/沙律酱,馅料偏干身。如果好似平时咁落杂果,相信味道会更鲜甜美味。 另外,每件嘅外层都铺满好多脆丝,有部分更稍微油腻。
❤️其他推介:金鱼饺、虾滑酿茄子、雪山叉烧包、流心奶黄包、香滑反斗糕
茶钱只收$3,几抵。大大壸麦茶,解腻消化,小编至少饮三杯先够。
铜锣湾兰芳道11号地舖
港铁铜锣湾站 F1 出口, 步行约3分钟
☎️22858266
⏰星期一至日09:00 - 23:00
拥有或管理这家酒店? 免费获取您的详情页以便回复点评、更新资料或者进行其他操作。