我们不支持您使用的这种浏览器。Tripadvisor网站可能不能正常显示。我们支持以下浏览器:
Windows: Internet Explorer, Mozilla Firefox, Google Chrome. Mac: Safari.

“NMSL”

No Money So Lonely
香港排名第108 (共15,901家美食)
周围地区: 旺角
餐厅详细资料
周围地区: 旺角
2021年3月23日点评 通过移动设备发表

NMSLxNo money so loney
冇钱就窿
无钱呻吟,有钱身痕

记得抹咀墨汁卡邦尼配巴马火腿 $118
有得拣意粉或者乌冬
意粉平时食得多,试吓墨鱼汁嘅乌冬
除咗个名得意,味道都好好食
开头第一下见到嘅时候谂,分量咁少
然后食下食下唔觉原来都几饱
最紧要食完记得抹咀

话梅蜂蜜咖啡 $46
见到卖相有少少唔开心,因为觉得个拉花丑样左,但系话梅加蜂蜜既咖啡从来都未饮过。咁特别嘅咖啡,第一啖饮落去唔觉话梅味,但饮到酸酸地,再饮落去就饮到蜂蜜味甜甜地,最后饮到真系话梅嘅味道,特别得来又唔会盖过咗咖啡,10分推介

椰子香茅咖啡 $46
佢呢个得冻饮,嚟到嘅时候见到好多椰丝,饮落去系酸酸地嘅咖啡,但佢嘅酸味唔系话梅咖啡啲酸,而真系咖啡酸味嘅酸,但饮咗好多啖都饮唔到佢有椰子嘅味道,香茅感觉都唔多觉,但个卖相都算正常

咖啡种类太多,下次要试埋其他味道。

甜品系我好大期望嘅一样嘢
叫嘅时候店员话琴日太好卖,卖晒
得返cake, 我同佢讲话我黎bookmark咗一定要食,过咗一阵佢同我讲话有窝夫,再过多一阵又同我讲话有心太软,睇得到佢好努力帮我争取
呢个店员唔系呢间铺,佢都话想试吓心太软,佢同我讲话佢哋依家整可能要等耐啲,我专程为咗呢个黎,等一阵梗系冇问题。

辣的心太软 $68
一上到黎就好吸引我,影咗一两张相就要即刻切,因为我好怕里面个朱古力凝固咗
切落去嘅时候系流心嘅,开头都睇唔到上面有啲辣椒,食落去第一啖系辣嘅,第二啖加埋雪糕一齐放落口,辣到喷火,感觉好特别,而且啲辣唔会盖过咗朱古力味,重点系个雪糕仲要系海盐味
好惊喜,好好食

环境都算大,除咗啲食物名得意又好食之外,仲有好多打卡位,最紧要调过嚟个员工真系好正,好倾得,好开朗,希望佢哋表扬一下呢位员工

#HKgirl #hkig #hkfoodie #influencer #hkblogger #香港美食指南 #吃货 #美食

感谢 fishtailyuen
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
撰写点评点评 (99)
旅行者评分
旅行者类型
时节
语言
  • 更多语言

1 - 5 条点评,共 99 条

2021年2月21日点评 通过移动设备发表

最近见到好多人都no money so lonely, 睇到我都忍吾住去试下有几lonely
特登来到呢间新开的西餐厅,让我印入眼帘的系超级可爱有趣的装潢同摆设,张台可以系地板的转头砌上去的,墙上还有很多漂亮的挂画,还有每一桌的摆设,除左必做的打卡动作,就是欣赏这里的装潢,真系好有心思。
因为餐牌见到食物好吸引,我们二人点了好多野食,有香茅墨汁鸡翼(避风塘),他他酱的地瓜条,胡椒大大只蟹饭,一壶苹果雪梨桂花茶。
香茅墨汁鸡翼系避风塘口味,好香好脆口,而香脆的岂止鸡翼,还有地瓜条,长长的地瓜沾上酱料,绝非普通薯条口感,是甜甜脆脆的很开胃。接下来主食胡椒大大只蟹有卖相又有质素,这个蟹是软壳蟹口味,可以整只吃,捞饭也是一流的。最后食饱饱饮返杯苹果雪梨桂花茶解解腻就最好不过,而且还能续水,一壶桂花茶可以从浓味饮到淡也是不错的感觉,吃完我们还在这里打卡打了好久,真系一个打卡圣地,大家真的要来一次试试。

感谢 yauyau41
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.au 查看原文
2021年2月4日点评 通过移动设备发表

今日去左间旺角T.O.P.新开既泰国Fusion菜 - No money so lonely ,相信餐厅名讲出左唔少人嘅心声! 呢间餐厅系Mamaday嘅姊妹店,无论装修风格定系餐牌嘅设计都十分相似,风格别树一格。

啖啖蟹肉担担饭:依个担担饭嘅卖相好靓,而且蟹肉份量超多,啖啖都系鲜甜蟹肉!一入口成口都充满住香浓嘅四川麻辣味。比起一般嘅意大利饭,呢一个又香又辣嘅意大利饭够晒创意而且风味十足。

朱古力烧牛肉沙律:牛肉味香浓,惟牛肉得过咸,如果调味料轻手啲会好啲!沙律菜非常新鲜食落索索声,但沙律酱汁偏甜,抢咗牛肉嘅味道。

山楂苹果茶:清香嘅茶味中和左菜嘅浓味,饮落有消济之效。

感谢 gigingan
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.co.uk 查看原文
2021年1月31日点评 通过移动设备发表

餐厅系由人气店MAMADAY Cafe创办人之一开设嘅另一品牌,单凭餐厅名「No Money So Lonely」以至缩写「NMSL」就知餐厅充满玩味另餐厅不但有好多抢眼嘅打卡位,就连部分菜式名称都既爆笑又搞鬼

冬荫功大虾比萨($136)
Pizza系薄脆饼底,馅料有车厘茄、大虾及紫洋葱等,冬荫功味几香但唔算好浓,味道有少少辣,几开胃惹味大虾都几大只,仲坚系爽口弹牙,好好食呢道fusion菜真系食得过

贫穷是寂寞拼盘($96)
拼盘有薯条、冬荫功炸饭波、腐皮扎肉及秋葵虾,份量都几多,全部都系新鲜热辣炸起,所以劲香口冬荫功炸饭波好味又特别,食落辣辣地,有好香浓嘅冬荫功味,口感外脆内软秋葵虾嘅虾胶又够弹牙薯条仲要系粗身薯条,未食已经心心眼最终多到食唔晒!

士多啤梨玫瑰梳打($42)
饮落有士多啤梨味及玫瑰花香,味道酸甜,好啱边食辣嘢边饮,够解渴

番石榴柠檬热情果沙冰($48)
番石榴及热情果味突出,饮到有柠檬皮、番石榴及热情果核,所以好肯定系用新鲜生果打成颜色好抢眼,味道比较酸饮落好fresh!

餐厅不论环境及主打嘅东南亚fusion菜都好有特色,相信好快会成为另一间人气餐厅

感谢 dyiongw
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.com.hk 查看原文
2021年1月26日点评 通过移动设备发表

餐厅:No Money So Lonely (旺角)
地址:旺角弥敦道700号T.O.P This is Our Place 4楼406-408号舖

趁住假期去咗T.O.P This is Our Place 4楼嘅No Money So Lonely食lunch,去到就好有一种熟悉嘅感觉:吸引眼球嘅鬼马摆设、五颜色颜嘅色彩配搭、讽刺盏鬼嘅格言句子。原来呢间NMSL喺MAMADAY其中一个台北设计师创办人开嘅东南亚fusion菜餐厅,一间餐厅就有4个唔同主题嘅dining areas,果然设计师喺唔同啲

无乜芫茜味的西柠芫茜饭配烧星鳗鱼骨 $128
呢碟饭有一条长星鳗,星鳗喺鳗鱼嘅一种,多数喺近海或者河海交界附近捕捉,相对起系河入面捉嘅鳗鱼无咁腥,味道较淡,唔洗用浓酱汁都已经好好食,另外仲有两块晒干嘅星鳗鱼骨,有啲似我地平时食开嘅鱿鱼干;配埋充满芫茜、其实都几香芫茜味嘅炒饭,我就觉得几好食,加啲西柠汁味道就更加清新,钟意食芫茜嘅朋友就要试吓喇

生旧素叉烧好过生你比萨配秘制麦芽糖酱 $108
用咗100%素肉去仿制叉烧,食落又真系几有叉烧香,同埋叉烧嘅texture,再加上洋葱、草菇等配料都算几丰富,整体味道有浓郁嘅麦芽糖酱同叉烧酱汁,个人就觉得有少少过多酱汁太浓味,不过钟意浓味嘅人应该会食得几开心

食完浓味嘅食物,饮返杯清新苹果雪梨桂花茶($42),再欣赏吓呢个艺术小世界,都几赏心乐意,唔知你又揾到个啱你嘅打卡位未呢?

感谢 hinsonfoodhk
此点评为Tripadvisor会员个人反馈,不代表Tripadvisor的意见。原文语言为中文,源自www.tripadvisor.co.uk 查看原文

查看过No Money So Lonely的旅行者还看了

 
中国香港
 

去过No Money So Lonely吗? 请分享你的经验!

写点评 上传照片

业主:有什么想要和我们分享的吗?

拥有或管理这家酒店? 免费获取您的详情页以便回复点评、更新资料或者进行其他操作。

获取您的详情页
© 2022 TripAdvisor LLC 保留所有权利。

网站的此版本通常面向中文使用者,除非有针对其国家或地区的特定网站版本存在。 您可以使用下拉式菜单访问 Tripadvisor 网站面向特定国家或地区的其他版本。