餐厅：拾伍 (中环)
地址：中环鸭巴甸街15号地舖

拾伍 FIFTEEN 喺中环鸭巴甸街一间旧年10月新开嘅咖啡店，佢地门口有张藤椅，地下铺上瓷砖地板，天花挂住一盏月亮灯悬挂，未入到cafe就已经有一个打卡点

Cafe入面以木为主角，计埋地下同天台总共有四层，每层都有唔同植物去点缀成间Cafe。FIFTEEN提供唔同日式轻食便当、咖啡☕️、花茶等，等我即刻介绍吓佢地啲嘢食先

稻庭风轻食 $78
呢个冷乌冬有香浓芝麻酱味，面头仲有一只水煮蛋，整穿后捞埋蟹柳丝同乌冬一齐食，蛋黄浆捞咗落去增加咗乌冬嘅湿润度，食得出芝麻香同埋蛋黄香都几夹，仲有啲沙律菜

牛油果沙律多士 $68
将炙烧芝士、蟹柳丝，同埋牛油果蓉放系烘好嘅多士上面，虽然比较散碎，食起嚟有啲「论尽」，但估唔到咁样嘅配搭又几好食，值得一试

玫瑰朱古力蛋糕 $48
见到呢个蛋糕系咪觉得好靓呢，望落真系好吸引，不过作为一个爱朱古力嘅人嚟讲就觉得朱古力味可以再浓啲，唔知呢个cake你又啱啱啱呢？

饮品就叫咗个通宁咖啡Espresso tonic($50)同金丝黄菊雪梨茶($88)，第一次试Espresso tonic，原来喺加咗Tonic water嘅espresso，饮落口咖啡有气又几特别；金丝黄菊雪梨茶喺自己按喜好将材料放入茶壶，然后再叫店员加热水，以菊花香为主，带有啖啖雪梨香，几清新