大角咀新开的fusion居酒屋，餐厅唔算好大但坐得阔落，啱一班朋友聚下餐。

话系fusion餐厅，因为佢地有西班牙菜亦有日式串烧食。酒类都系有西式liquor同cocktail亦有日式烧酒同梅酒。
刺身带子配菠萝酸汁
带子约有6片，食落好嫩滑。可惜系菠萝汁偏甜，而且带子嘅鲜味较淡，整个感觉比较普通。

酱汁拼盘
平时系其他餐厅食嘅粟米脆片通常都系现成货，但佢地系自家整嘅~食落有啲似春卷皮，不过就硬身同厚身啲。酱汁可以拣4款，我地拣左墨西哥莎莎酸辣蕃茄酱，墨西哥莎莎青酱，酸忌廉牛油果酱同酸忌廉烧烤酱。我个人就较钟意牛油果酱同酸辣蕃茄酱。

烤猪颈肉墨西哥夹饼
一人分嘅份量，约4吋大。烧猪颈肉都几弹牙同juicy，加埋蕃茄莎莎酱同椰菜丝，味道浓得黎又唔会太腻。

串烧
牛舌
一串有两大块牛舌，每块都有成1cm厚，食落好弹牙又唔难咬，好有牛脂香👍
安格斯牛肉
4粒一串，觉得唔够juicy,如果烧到半成熟会更好

大葱鸡脾肉
大葱好香，鸡脾肉又嫩，加埋烧口汁，简单但好食

鱼子酱蟹膏蟹肉意粉
佢地啲意粉系自家制嘅，好有al dente口感😋个忌廉sauce creamy同好有海鲜味，而且仲好挂面。蟹肉同鱼子酱都唔少，啖啖都食到，一份两人share都食到好满足👍

士多啤梨苹果金宝伴雪糕
呢个甜品吸睛之处就系有一整条雪糕甜筒，店员会等客人打完卡后帮忙敲碎个甜筒，等雪糕半溶时就可能拌匀食。整个apple crumble都唔错，加埋士多啤梨食落更有fresh嘅感觉~少少特别系佢个底系橙味海绵蛋糕，同平时食开嘅曲奇饼底好唔同。

蜜柑酒，姜汁，烧酎，soda
一开始会尝到蜜柑嘅香甜，之后就有烧酒味，姜汁味就较为弱左啲。

Ka Shin Street
好清新的一杯cocktail。用elderflower syrup, cucumber, 柠檬汁配合gin调制成，闻落有elderflower 嘅清香，味道少少酸甜带有青瓜味，非常之易入口。