又再比我发现尖沙咀新开左日式居酒屋
「蔵鸢居酒屋」x「鮨鸢」，当中有d奥妙既
系原来佢系果种一店两食，姐系左右两边分别
食唔同既野，左面系由open bar模式主打寿司，
串烧；而一个转身另一边就行omakase高档料理。
而我今次重点focus系「蔵鸢居酒屋」串烧
世界，如果系你…你会向左走定向右走！？👇
-
📌煮 物 -
▪ ボイルドビーフの根 - $88
▪ 野生のキノコとアサリの茹で - $98
▫ 先黎个煮物打头阵先，前者「有马生椒·
牛根煮」用上日本黑椒烹调，特别入味；
牛根同港式好大分别，份外浓香腍滑；
而后者「清汤牛油·野菌煮大蚬」要大赞每只
蚬肉都够哂肥美厚肉，绝对无呃秤；而且
食落完全无沙，相当鲜甜，汤底用左牛油
同埋野菌煮过，入口特别幼滑，无得输！
-
📌ロ ー ル -
▪ 左口·明太子ロール - $78
▪ ウニとキャビアのエビフライロール - $98
▫ 而卷物方面，平时明太子多数都以蛋卷
形式，而师傅巧妙地将明太子同左口鱼结合
为「左口鱼·明太子卷」，食到鱼肉既鲜甜
同时明太子既口感相当突出，好特别；最奢华
卷物「鱼子酱·海胆炸虾卷」，海胆味道浓郁，
再配上鱼子酱双重提升鲜味；炸虾亦唔输蚀，
金黄香脆，三重唔同口感非常满足。
-
📌期 间 限 定 -
▪ 焼くフォアグラ·ほたて - $98
▫ 师傅特别推介呢个「焦糖白兰地·鹅肝煎
帆立贝」，绝对系将法式同日式两者发挥
到极致。先讲鹅肝煎得够嫩口，食落非常
软腍；而帆立贝外层带少少焦香，绝对唔会
输比鹅肝；同时焦糖苹果做到酸酸甜甜，
中和成个油腻感，好食！
-
📌盛 り 合 わ せ -
▪ 极上の寿司盛り合わせ - $368/10贯
▫ 去得居酒屋，点少得寿司环节呢？呢个「极 上
寿 司 盛」一次过食匀中拖罗、深海池鱼、
油甘鱼、牡丹虾、帆立贝、赤贝、左口鱼边、
金目鲷、三文鱼籽、海胆。成个盛合非常
有惊喜，每款都相当新鲜，尤其是海胆入口
无腥味，左口鱼边相当爽弹；金目鲷肉质
甘香，加上师傅将饭粒做到每件份量一致，
一啖一件，认真过瘾。
-
📌串 焼 き -
▪ タウナギの塩茹で - $78
▪ チキンスティック - $45
▫ 轮到期待已久既串烧环节，先黎个「盐烧·
白鳝」先，肉质睇落相当肥美，而且师傅控制
火侯好到位，外层焦香里面完全唔干；食落
仲有肉汁系返到，啖啖滋味；后者既「自家
制·免治鸡肉棒」鲜嫩多汁，师傅教落先将
温泉蛋同自家制酱汁搅匀，然后点少少一齐食，
份外香甜；而鸡肉入口相当腍滑，口感十足！
-
▪ 串焼き·盛り合わせ - $148
▫ 另一王牌串烧必嗌「串 烧 盛」，一次过有哂
我最钟意既盐烧鸡软骨、盐烧鸡中翼、烧秋葵、
大葱鸡肉、烧冬菇。鸡软骨咬落香脆松化，
而鸡中翼外脆内嫩；秋葵熟度岩岩好，味道
亦唔会太淡，唔错；鸡肉配搭大葱加强浓味感，
而且肉质啖啖爽弹；最后既烧冬菇外围略略
带少少焦香，内里却软绵绵，加埋酱汁份外香甜。
-
📎 蔵 鸢 居 酒 屋 · Kura Tobi
📍尖沙咀加拿芬道44-46号地下7-8号舖