餐厅：等 (太子)
地址：太子西洋菜北街159A号恒安大楼地铺

唔知大家有无去过尖沙咀嘅黄店Cafe Shhh Cafe & Studio呢💛？原来佢哋早排以新名字——「等」 @awaitcafestudio 搬咗去太子，用一个全新嘅面貌同大家见面😍，唔知你又等咗几耐呢？我咁啱喺平日去，所以等都唔洗等就有位坐😆

同尖沙咀嘅Cafe一样，由外至内都喺充满打卡位，而店主仲搬埋果边嘅手工花同部分装饰过嚟，比大家满足影靓相嘅愿望📸

佢哋星期二至五中午有Á La Carte set，包埋饮品，而价钱由$88-$128不等，今次就点咗其中两个：
蕃茄蟹籽蟹肉意粉 $108
日式咖喱鸡扒饭 $88

蟹肉柳原条上，有成三四条，加咗蕃茄食落酸酸甜甜几开胃，蟹籽满满一堆🤩，捞匀嚟食仲每一啖都喺粒粒蟹籽，亦唔会好腻；咖哩以香味为主🍛，唔会好辣，将咖喱汁淋去饭嘅外围，饭上面就放咗炸香咗鸡皮再切件嘅鸡扒，减少鸡扒同咖哩嘅接触以免变腍，最后仲洒上芝麻，充满日式风味，唔错唔错😎

饮品我就加$20叫咗个Sweet potato latte，粉紫色之余仲有个心心拉花💜，饮落有阵阵嘅紫薯香，饮到落底仲食到啲紫薯蓉😍