一再回味的日本餐🥰美味しい

之前听朋友讲将军澳有间好正嘅日本餐厅，今次专登入将军澳试下，果然真喺唔错，绝对可以再encore🥰👍🏻👍🏻👍🏻

日系风格的餐厅装潢，令人有种置身日本的幻想，餐厅仲播放著龙猫的日本音乐，真喺令人好放松好Enjoy。🥰

「葱吞拿鱼腩丼」 $148
口感软绵绵的葱碎吞拿鱼腩，口感幼细香滑，腩位脂香突出，配醋饭简直绝配。最最最推荐👍🏻👍🏻👍🏻👍🏻

「牡丹虾刺身什锦丼」$178
大大只牡丹虾，鲜甜爽口。仲有不同刺身，厚切有口感。

「天妇罗定食」 $118
天妇罗粉浆薄而脆，保留大虾鲜味。仲有三只大虾咁多，配埋白饭特别开胃。

「滑蛋猪扒定食」 $98
厚切猪扒，肉质挺嫩滑但有少少干身，滑蛋真喺好香好滑，配上一碗珍珠米饭🍚岩岩好。

个人最推介「葱吞拿鱼腩丼」 ，好想再回味🥰

每个餐都有炖蛋、面豉汤、前菜
份量绝对够食，食到饱饱好满足。

花楽 (将军澳)
将军澳唐俊街21号翩汇坊地下G23号舖

平日下午的3点几行过将军澳海滨公园，见到呢间花楽都座无虚席，我哋估计都应该系有质素的👍所以就帮衬咗🥰
花楽日式下午茶$268（2人份量）
套餐有花茶、炸物、熟食、寿司、日本时令生果和日式甜品，卖相相当吸引🥰🥰难怪咁多客人都order,先讲吓雪鱼干～第一次食到咁好味的👍香脆可口，加埋沙律酱更好食😋
炸鱿鱼软骨~香口惹味，软得来有咬口，品质一流😋😋可惜每人得一旧😂
波子寿司～好靓好似手饰咁，面头仲有金箔，感觉好矜贵
十胜红豆蓉配小丸子🍡红豆圆润完整，小丸子好有𡁻口
日式蕨饼~软绵绵又不是很甜，特别喜欢😘

上个月太忙冇时间陪屋企人，今个月终于得闲少少，趁有时间即刻book左呢间餐厅同家人享受美妙的午餐～

特登做左好多research ，知道呢间餐厅环境唔错，刚好今日天气好好，坐系床边位置，享受埋阳光浴，真心正呀！！！

餐厅职员非常有礼，服务周到，够晒细心同埋耐心～

盐烧青鱼定食$108
套餐摆盘好加分，青鱼相当大条，少骨，啱晒我胃口，酱汁做到好开胃，仲配有沙律、日式炖蛋同埋汤，整体食落超正。

和风炒牛肉定食 转乌冬（+20）$128
乌冬上有好多昆布，牛肉相当入味，有大量洋葱丝，食落好美味～

重点沐浴著阳光浴食午餐真系好鬼正呀🤣🤣

花楽 (将军澳)
将军澳唐俊街21号翩汇坊地下G23号舖

餐厅：花楽 (将军澳)
地址：将军澳唐俊街21号翩汇坊地下G23号舖

将军澳翩汇坊果到将会喺我一个要慢慢发掘嘅美食新天地😍，果到云集咗各式各样嘅餐厅🍴，有唔少日式餐厅、bar同cafe☕️，而今次我就去咗呢间2021年1月中先正式开张嘅日式餐厅——花楽

落地玻璃配上梅花樱花嘅壁画，亦有唔少日本名酒同趣致摆设，好有日式风味🇯🇵

上寿司定食 8贯 $248
除咗选用新鲜高级刺身鱼类食材之外🐟，餐厅仲专程由四季酒店聘请日式料理师傅驻场操刀处理寿司刺身🍣，刀功同切法与别不同，比你试到另一番嘅享受。8贯寿司有老翁鱼、比普通鱿鱼更爽口顺滑嘅萤光鱿鱼、肉质饱满嘅海鲈、油甘鱼、赤鯥等；赤鯥喺高级鱼食材，油脂丰富，味道鲜美；金目鲷鲜甜爽脆；平时食嘅帆立贝都系急冻货色，解冻后令鲜味流失，今次食嘅帆立贝由日本新鲜连壳运港，鲜甜得嚟稔性仲好高，口感丰富，食完口腔被果阵鲜味包围好耐都未散🤤。叫呢个定食仲有一碗乌冬添，真系唔洗惊唔够饱

日式照烧鸡扒定食 $98
呢到嘅照烧鸡扒真系唔惹少😎，虽然望落卖相就一般，但系经过慢火烧烤过后，皮岩岩好烧到极致，皮脆而不油腻，岩岩同鸡扒肉轻轻脱离，而咬开鸡扒有轻轻肉汁浅出，好juicy💦，蘸埋照烧汁同连埋御饭一齐食就更加好味😆

所有定食仲送沙律🥗、茶碗蒸、渍物、面豉汤同御饭🍚，新张期间仲送樱花和菓子甜品添🌸；值得一提佢哋嘅茶碗蒸蛋香嫩滑之余仲非常足料，里面有鸡肉、莲子、虾🦐、冬菇、鸣门卷等，喺我食过最多料最好食嘅茶碗蒸😋；而樱花和菓子面头仲有一块乾花，好靓好吸引呀🥰，呢餐真系大满足呢！