作为观塘之友，APM系必到点，最近新开咗间意大利Gelato雪糕，雪糕标榜自己无脂肪无糖，甜味来自Splenda，提炼出无糖无碳水化合物嘅天然甜味。
.
双球雪糕 Double（$65）
雪糕最少有25款口味，有榴梿、热情果、芒果、山竹、开心果、宇治绿茶、椰子、榛子朱古力、浓情朱古力、特浓咖啡、蓝莓乳酪、奥力奥曲奇、盐味焦糖、草莓芝士、益力多、薄荷朱古力、赤肉蜜瓜、金莎朱古力等等，总之就多到数都数唔晒。
今次就食金莎朱古力同热情果口味先啦，金莎朱古力口感软滑，仲有碎花生粒，啱晒朱古力爱好者。热情果口味比较弱，缺乏咗应有嘅果酸，味道唔算突出，建议大家可以试吓第二只味。既然系No Fat No Sugar咁冇理由唔食多杯㗎，不如等你哋话俾我听你哋食咩口味✌。
.
Mamma Mia Gelato (观塘)
观塘观塘道418号创纪之城五期(apm)大堂高层39号舖

餐厅：Mamma Mia Gelato (观塘)
地址：观塘观塘道418号创纪之城五期(apm)大堂高层39号舖

Gelato 意式雪糕相信喺唔少人都钟意食嘅甜品之一，Mamma Mia Gelato嘅雪糕全部使用天然材料制成，无加额外脂肪，每日都新鲜制造，其中 Premium Gelato 更系无糖无脂肪嘅雪糕[悠闲]，唔系用一般嘅代糖，适合糖尿病、血糖高、对奶敏感同任何人士食用，真系估唔到食雪糕都可以咁sweet咁健康[色]

同朋友分别叫咗个Oreo曲奇+浓情朱古力($65)同埋清酒啤梨+热情果味($65)，呢款朱古力够dark够苦啱晒我，仲有粒粒chocolate chips；清酒啤梨以啤梨味为主导，中间散发住轻淡嘅清酒香，几特别。另外仲有开心果、日本宇治抹茶、盐味焦糖、特浓咖啡等十几廿款味道，有得拣紧系要拣自己钟意嘅味啦[得意]