餐厅：甜姨姨私房甜品 (铜锣湾)
地址：铜锣湾耀华街11号地舖

最近有好多朋友生日🎂，嚟紧又会有好多嘅节日，有时谂送咩都真系谂到头都大埋🙈，甜姨姨最近新推出咗18杯疯味小杯甜品($268)，自取仲可享八折优惠($214)，即系唔使$12就可以有一杯甜品🤤，谂谂吓其实用嚟当散水饼或者同屋企人开party都得👏

香港人最介意嘅就系有冇得自由咁选择，而呢18杯甜品入面，你就可以喺11款甜品入面自由配搭唔同组合，拣你钟意食嘅甜品，例如金箔北海道牛奶西米布丁🍮、杨枝甘露🥭、榴梿西米露、黑糖仙草芋圆、草莓乳酪奶冻等🍓

特别介绍几款我比较钟意嘅甜品：
芒果三重奏
用鲜甜芒果肉🥭、芒果干同芒果布甸集合而成，每一啖都有浓郁嘅芒果香，层次细腻而丰富，芒果肉仲要好多😂，绝对系落足料

榴梿紫糯米
一打开就已经闻到香浓嘅榴梿味😍，榴梿蓉嘅份量都唔惹少，烟韧嘅紫糯米加上椰奶，配上榴梿蓉一齐放入口，估唔到椰香中和咗榴梿嘅浓烈味道之后都几夹，真系食多几个都唔会腻😋

咦，过多两个星期就系新年兼情人节，唔知你又谂到送咩比亲友/男女朋友仔未呢😆，睇嚟甜姨姨都系一个唔错嘅选择😎

今日去甜姨姨到食咗呢款4月1号开始期间限定，用【🦄 独角兽】为主题嘅《独角兽🦄小公主Joslin》及《独角兽🦄朱古力心太软》

独角兽🦄小公主Joslin $148　
4月份系甜姨姨嘅囡囡生日，整咗呢款超梦幻又可爱嘅独角兽造型刨冰；呢款刨冰好味道，又梦幻又吸引，小朋友实会钟意❤

最顶中间位置放有独角兽🦄造型蛋糕棒，呢支蛋糕棒用全人手制成，外层用白朱古力及糖花装饰；里面嘅孖宝蛋糕加入牛油及干果制成；蛋糕口感有种似层相识嘅感觉，味道好特别🍰

刨冰🍧口感轻盈，外层淋上黑车厘子乳酪🍒，颜色系粉红色，食落带有少少酸味；刨冰里面仲有好多不同馅料，就好似寻宝咁，会揾到惊喜🤩；首先会见到🌈七彩颜色嘅爆炸糖💥；到中间个层就会有香脆又酸甜嘅草莓脆脆🍓；底层就有红绒曲奇饼脆脆🍪，好钟意呢款味道嘅脆脆

食哂成个刨冰后，会发现最底系红❤黄💛绿💚三色彩虹啫喱；三层啫喱好巧功夫，要续层续层整上去

独角兽🦄朱古力心太软 $48
呢款超流心心太软用咗🍫85%嘅朱古力制成，香浓可可味，食落仲带有少少咸味，味道好特别，仲唔会太甜😋

🍫🍫🍫🍫🍫
400次脏脏冰 $138

呢款刨冰份量十足，都系一款好吸引嘅刨冰；呢款刨冰最顶层有400次咖啡泡沫，放入口即溶；外层有🍫朱古力酱、85%朱古力粉及美禄粉，食落就唔会太甜；入面仲有极松脆 Kit Kat 碎；最下面就系极之冰冻嘅 Movenpick 朱古力雪糕🍦；配埋朱古力酱，唔够味就可以倒落去

记得记得💫一定要由上至下食，千其唔好由下面食上去或中间切一半食，咪就会好似山泥倾泻咁架啦

甜姨姨私房甜品 
地址📍铜锣湾耀华街11号地舖
电话 ☎️ 51184324

系ig老是常出现既甜品店！甜品种类多 巨型刨冰 同 潮文多士都打卡一流！

✅ 刨冰 @ 400次脏脏冰 ($138)
3月期间限定 既Kitkat 刨冰 外面有朱古力脏脏粉，刨冰淋埋朱古力酱仲邪恶😍！入面仲有kitcat碎 增加口感，真系外到内都好浓朱古力味！

小插曲系食食下冧左 😵 店员好温柔帮我地清洁番张枱之余 仲送番细杯刨冰 超贴心！

✅ 刨冰 @ 小王子 ($138)
造型满分 😍 刨冰系芋头同椰汁味 入面仲有椰片碎 芋泥同西米！唔会太甜好fresh

➡️ 潮文字E @厚餐日本流心蛋｜爆馅极上肉松芝士 ($68)
Random 印左潮文既爆馅多士 为你表达心声！味道OK 都系刨冰比较有惊喜

🦁 甜姨姨私房甜品
铜锣湾耀华街11号地舖
🦁 人均消费：$103｜回头率: ❣️❣️❣️❣️/ 5

🥰甜姨姨最近喺铜锣湾开咗新分店。装修新颖，以白色为主调，俾人舒适嘅感觉。

日式刨冰非常受欢迎，周末人龙涌现。每月都有限定新味道推出。

👑小王子JADEN(芋蓉椰子味刨冰🥥🍧) $138

二月份最新创作
跟日本和粉彩插画师Thomas，仲有 Bliss Moments 合作

👑最顶层有迷你小皇冠，仲有小王子插画小卡（食得架），全部都超可爱。🦋表层系用蝶豆花天然上色，椰子味香浓，系椰子控必试。内里有椰丝同西米，几有咬口。仲有，虽然本身已经非常够味，但系额外芋蓉酱令味道更上一层楼。

😜绵绵刨冰非常大，可以2 个人分享。
🧐温馨提示：一定要由上层食哂再到下层，否则好易倾泻。

甜姨姨私房甜品
🇭🇰铜锣湾耀华街11号地舖
港铁铜锣湾站 A 出口, 步行约2分钟
⏰星期一至日11:00 - 21:00

餐厅：甜姨姨私房甜品 (铜锣湾)
地址：铜锣湾耀华街11号地舖

甜姨姨私房甜品喺天后区享负盛名，一向主打街坊生意唔会无人知，佢哋嘅甜品同沙冰都非常出名🍧，最近仲推出咗潮文治E Toastbox，无论堂食定外卖拎走都得🥡，外卖包装仲要好靓😍，拎返公司/屋企当早餐、light lunch或者afternoon tea都一样得🥪

除咗有五款馅料选择之外(厚餐肉日本流心蛋🍳、爆馅极上肉松芝士🧀、烟三文鱼牛油果🥑、热狗肠流心蛋🌭同埋拉芝贝果🥯），你仲可以选择加$50写你DIY嘅专属心情字句，需时大约15分钟左右，拎嚟打卡真系一流📸

每份潮文治E都劲足料又大份😂，细食嘅人真系当lunch食都得🙈，叫咗份烟三文鱼牛油果($88)同热狗肠流心蛋($78)，烟三文鱼有两三件，夹住半个份量嘅牛油果，再加上沙律酱同生菜🥬；热狗肠流心蛋有两条热狗肠😋，配埋原只流心蛋🥚，加上经典红黄酱(茄汁同芥末酱)，最估唔到喺加咗酸瓜，有啲似食紧三文治版嘅热狗咁🌭️，丰富又开胃，一啖放入口先系最大享受🤤，呢个时候已经唔再会有仪态可言

叫潮文治E仲送一杯热饮☕️，饮返杯咖啡返工就唔怕恰眼瞓喇️🥱