强势回归！
由区转战至铜锣湾。特别钟意餐厅半开放既店面，窗口位打卡一流，望住街外人来人往，自己就好悠闲咁食紧其实都几

(-: 1200-1600)
+ /
+$20 / -
+$30
————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⠀
ℒ

▪️周打蚬汤
估唔到 既汤都完全唔会你！周打蚬汤口感，唔会好似平时个啲咁净系得忌廉味，而系有鲜味。入面除左有粒粒蚬肉，仲有软绵薯仔粒，口感几丰富。

▪️四式芝士薄饼 $128
超级拉丝既！用上四种芝士，虽然净系得芝士，但系食落又唔会觉得好单调。有一种芝士味道特别突岀，朋友就唔太钟意，但幸好每种芝士既份量都恰到好处，分布得几平均，食落都几 。批底同芝士中间好似加有少量番茄酱，偶尔食到会觉得几清新，可以中和些微芝士既腻。批底介乎薄同厚之间，质地软熟但唔太有咬口，胜在边边位够晒脆身。

▪️意大利有机血橙梳打 +$20 (原价$50)
— — — — — — — — — — — — — ⁣⁣⁣⁣⁣⁣⁣⁣⁣⁣⁣⁣⁣⁣⁣
▪️咸牛肉炒蛋流心花生酱牛窝夫 $88
牛窝夫
顾名思义就系牛角包同窝夫既混合体！将牛角包面团放入机之中，压烘而成。可以话系窝夫形既牛角包，表面酥脆，带牛角包既千层，质地松软。
炒蛋都几滑，咸牛肉份量对我而言恰到好处，唔会太咸太抢，估唔到同微甜顺滑既花生酱又几夹。不过唔好太贪心落得太多，如果唔系就会盖过咸牛肉嘅味道。

▪️Al Forno Tiramisu $68
完全系属于大人既！
咖啡同酒相当突岀！手指饼唔会预先浸到软晒，保留到硬脆既质地。入口会尝到酒既浓烈、咖啡既微苦，超啱我口味！唯独唔系浸得太平均。表面既 软滑，甜度恰到好处，正可以平衡咖啡既苦涩。系完全唔济既！

整体而言，半开放既环境相当舒适，食物有水准之余，价钱唔算贵！两个人300蚊就有齐两个main一个dessert一杯野饮

餐厅：Al Forno Cafe and Bar (铜锣湾)
地址：铜锣湾告士打道218号地舖

仲记得年几两年前同一个美国朋友去到中环Soho区嘅Al Forno Pizzeria食饭，佢地嘅pizza真系一食难忘，但原来上年年中佢地结业咗。不过佢地岩岩1月12号强势回归，喺停业期间老板同团队仲不停钻研咖啡同cocktail，以Cafe and Bar嘅形式喺铜锣湾继续同香港人一齐be water，一齐走落去

烤蘑菇黑松露炒蛋牛窝夫 $90
韩国大热嘅牛角窝夫，估唔到系呢到会揾到，将松脆嘅牛角包，放入窝夫机烘压，食落同时有窝夫同牛角包嘅口感，香脆而实在，加上香滑嘅炒蛋，配埋烤蘑菇同黑松露，无论食定睇都咁正

自家制四式芝士薄饼 $128
用上义大利blue cheese Gorgonzola、全世界最巨型瑞士芝士之一嘅Emmental、意大利盛产嘅绵羊奶芝士Pecorino，仲有我地好常食嘅Mozzarella，呢四款芝士制成呢个超浓郁芝士pizza，又可以拉丝，又食到多层芝士口味，芝士迷你仲等咩

Latte Tiramisu $58
唔知大家钟唔钟意食tiramisu呢？自问我就系一个爱好者，其实正统嘅tiramisu系用Savoiardi Verona(俗称Lady Finger，因为只饼好似手指)整嘅，佢嘅吸水性好强，成条浸入Latte入面，吸收晒latte同埋Lady Finger上面餐厅自己Homemade嘅cream，就好似食紧tiramisu海绵蛋糕咁，有得食又有得饮☕️，影出嚟仲好靓添

Nitro Cold Brew $52
咖啡成日饮☕️，冷泡咖啡都饮过几次，有气嘅冷泡咖啡你又试过未？将氮气打入冷泡咖啡入面，估唔到又几refreshing，又认识多一款饮咖啡嘅方法喇

餐厅嘅简约风格好有韵味，无论门口定室内，随便一个位都可以轻松打卡，同朋友过嚟饮杯嘢倾吓偈真系一流