餐厅：恋上台式料理 (将军澳)
地址：将军澳唐俊街21号翩汇坊地下G26号舖

难得假期入咗去将军澳果边放松吓，去咗2018年落成嘅翩汇坊，果到简直就好似一个欧洲小镇，除咗有好多外国人之外，仲有一个绿化地皮同海滨，仲有唔少人带埋宠物宝贝过嚟食嘢散步

果到有好多餐厅，我就揾咗呢间恋上台式料理食个下午茶，饮杯珍珠奶茶，一边睇下书都几写意，呢间餐厅仲系一间animal friendly台式餐厅 ，有好多狗狗呀

脆香鸡扒刀削面 $40
呢到嘅下午茶唔贵，大概$40就有，而选择亦都唔少，饭、面、甜品都一样有。呢个脆香鸡扒刀削面几大碗，原本仲谂住叫多个生煎包，好彩无叫到，鸡扒即叫即烤好香脆，鸡扒肉嫩滑，一口就爆汁，食果阵仲听到啲皮嘅松脆声，虽然有啲邪恶，但好食就唔理得咁多了，面底就拣咗刀削面，每条面都好完整弹牙，汤底仲有阵阵浓汤药膳味，相信个汤底落足料去熬制

古早珍珠奶茶
下午茶餐加$15就可以换埋呢杯古早珍珠奶茶，唔记得叫少甜所以饮落有啲甜，不过茶香几出，加埋烟韧QQ嘅珍珠，食到呢个下午茶都已经好满足