餐厅：嚟食 (长洲)
地址：长洲建新里5号地舖

周末入到嚟长洲，紧喺唔少得揾返几间有特色嘅餐厅食嘢啦😋，今次就去咗嚟食 La Eat呢间餐厅，原来喺因为餐厅老板成日讲「Eat La Eat La」，讲讲吓觉得「La Eat」又几搞笑就用咗呢个名🤣。而餐厅两公婆喺印尼同新加坡华侨，佢地想将自己平时屋企食开嘅菜带到黎长洲小岛去俾大家食，感受一吓两地嘅家常菜🥢，另外餐厅所有嘢都系homemade，包括所用嘅酱汁，亦唔落任何嘅味精，包你有家一般享受🇮🇩🇲🇾

五香卷 $48
五香卷喺星马每逢过时过节先会食嘅小食，每家每户都会整五香卷嚟招呼亲朋好友，餐厅用咗腐皮去包住马蹄、猪肉、蔬菜，另外加上五种香料调味，餐厅仲自制甜辣酱同酸萝卜去做伴碟🌶，3样嘢夹埋一齐食更丰富鲜味，有啲似平时食嘅腐皮卷，不过腐皮更香脆，馅料更有特色风味，确实值得一试👍

素印尼炒面 $68
素食嘅人都一样有嘢岩食㗎，试咗个素印尼炒面，配两串沙嗲串烧🍢，有鸡牛猪可以拣，如果食素嘅人仲可以同店员讲，佢地会安排其他素食比你，面底有啲似我地平时食嘅油面，味道唔会好浓，不过就有少少油腻🤏，佢地嘅太阳蛋煎得好出色，系脆边㗎，抵赞抵赞😍

加多尼个沙律 $48
呢个加多尼个沙律食落开胃有唔同texture，虾片嘅香脆，加上椰菜嘅爽口，仲有炸豆卜同粒粒豆角，连埋粉嫩嘅鸡蛋同自家制沙嗲酱🥚，同我地平时食开嘅沙律唔同，口感更丰富惹味🤤

另外仲叫咗个用酥饼夹住秘制香鸡同小黄瓜嘅So鸡So饼($48)、香兰龙眼水($28)同话梅薄荷桔仔梳打水($28)，佢地呢两款特饮都喺用自己logo嘅靓靓樽装㗎😚，饮完仲可以用嚟回收做其他装饰/用途，而餐厅仲有其他马来西亚罐装饮品，够哂特色啦😎

除咗想试他国特色菜嘅人，素食者同埋有养宠物嘅人都好啱带埋猫猫狗狗嚟呢到食吓嘢relax吓🐩，餐厅仲好欢迎大家自备餐盒同餐具，快啲嚟La Eat试吓啦😆