平时钟意周围觅食，一见到有新开餐厅当然要去一试。开初被佢唔同口味嘅包所吸引，但去到发现Menu都有好多唔同单点嘅食物选择有好多，而且单价都唔算好贵，好似pizza、意大利云吞等等都几吸引，但CP值最为高就系呢个Ciao menu啦！

甘荀姜汤
汤品系西餐不可或缺嘅一环，呢个套餐都包含咗呢个元素。除咗有浓郁萝卜嘅味道，仲有少少姜嘅辛辣度，来得恰到好处，醒胃之余又营养高。

香蒜辣大虾扁意粉
平时嘅香蒜炒意粉都系好惹味过瘾，但呢个大虾意粉更多重辣劲，所以食落更唰嘴，好过瘾！大虾有4只，煮得刚刚好弹口中仲带点嫩。

圣安娜蛋糕
套餐最吸引之处莫过于可以一试佢地主打嘅蛋糕甜品，当日嘅蛋糕系佢地signature嘅圣安娜蛋糕，面头嘅泡芙就最吸引我，内里更有吉士部分点睛，蛋糕面层嘅朱古力cream都几加分，见到蛋糕有不同层次都几有心思。另外仲包咖啡或茶，可以用来配甜品。

食完个set不忘睇下蛋糕柜同牛角包仲有无货啊，一问之下系可以外卖㗎！见到啲牛角包大大只好靓仔就买咗几个返屋企慢慢食！牛角包嘅口味好特别，有原味、爆馅吉士、杏酱、开心果等等。可惜时间太晚了，开心果已经售罄啦。所以拣咗意式吉士牛角包及意式朱古力吉士牛角包，咁大只吉士馅嘅牛角包好少见呢！返到屋企即刻忍唔住同家人分享一齐试试，吉士真系爆馅，冻食包身好松软，同酥脆嘅牛角酥感觉截然不同但却有其独特之处。两只味都好出色，但朱古力吉士嘅味道就相对稍甜，但整体都十分推介大家一试啊！

荃湾新开了一间意大利餐厅，主打意大利正宗蛋糕，午饭时间十二点多来到餐厅都有不少食客，幸好还有空枱不用排队就能入座。
/
甘笋姜汤🌟
甘笋和姜像中式汤的材料配搭，但试过后味道都几夹，姜味不算太重，饮落少少甜。
/
香蒜辣大虾扁意粉🌟
一碟意粉共有四只大虾，每只大虾咬落十分之爽口弹牙，好好食，而扁意粉加了煎香的薄片蒜头炒，辣味是用了去了辣椒籽的辣椒仔，可接受不会太辣。
/
热经典米兰咖啡🌟
咖啡闻落去已经有好香的咖啡味，味道一点都不苦，有少少果酸味，旁边还附上一块小曲奇。
/
圣安娜蛋糕🌟
跟餐的蛋糕，今日的限定午餐款式是圣安娜蛋糕，上面有四粒小泡芙，好可爱，切开层次好丰富，望落有三层蛋糕，食落有少少橙香味，甜甜地，同埋咖啡系绝配。
/
食完饭行出去见到几大个蛋糕柜，出边可以直接外卖甜品，见到有意大利餐厅必食的tiramisu，于是外卖回家品尝。

这间餐厅尖沙咀有分店，我试过觉得环境、食物、服务都有质素。
妈妈最爱蛋糕，得知荃湾有分店，即刻带妈妈来。
坐在餐厅内，会有种似坐在米兰街头食嘢的感觉，很写意。
餐牌款式都几多，最后选了沙律和套餐。
<意大利黑毛猪腩烟肉金枪鱼子合桃沙律配香草油醋汁>
猪腩烟肉有些甜甜的味道，沙律菜超新鲜爽脆，合桃几脆，加了香草油醋汁，唔会觉得太油腻，反而多了些酸味，令人开胃。
~Ciabatta Set~套餐都几抵食，有汤、面包、蛋糕和饮品。
<甘笋姜汤>
汤够热，有甘笋香味，带点微辣，面包条脆口。
<猪手拖鞋包>
拖鞋包外脆内软，猪手皮脆肉嫩，洋葱和其他蔬菜新鲜美味。甜薯很脆。
<棋盘蛋糕>
食甜品是我最期待的一环，餐厅的蛋糕真的好吃😋外边的蛋糕起沙，层次分明，共有五层，里面夹着一层榛子和一层朱古力味的蛋糕，口感柔软。最令人满意是蛋糕没有过甜，而且仍保持湿润的感觉。
<米兰咖啡>
咖啡香浓美味。
用餐时，不停见到有人来外卖咖啡和蛋糕。
如果我住附近就好了!

上次朋友闲谈中介绍，今天适逢机会，
终于可一试这间餐厅 Pasticceria Giovanni Pina 1920 ， 餐厅装修很精致，卡位、长枱和包房一应俱全。

我们千挑细选，最后决定这份早餐.
Italian All Time Brunch
意大利特色早午餐 $148

烟三文鱼、意式炒蛋、酸甜醋配新鲜沙律菜、煎双肠及意大利面包
烟三文鱼美味可口, 含丰富蛋白质、omega 3, 健康又美味.
意式炒蛋, 份量十足, 香滑有蛋味, 还有醒胃沙律, 新鲜甜美爽脆.

意大利汽酒 (一小时无限添饮) +$30
个人认为, 这个早餐最大特色是 +$30 (一小时) 就可以无限添饮, 而且提供的汽酒, 香气丰盈, 味道清爽, 最适合今天慢活早餐和聊天.

米兰芝士饼 Milano Cheesecake $52
饮饱食醉之后才发现这店另一特色是各式甜品, 我马上加了一份 Milano Cheesecake 外带, 回家后再细心品尝.🤣🤣😋

多谢这位好朋友介绍，真的有很大惊喜👍🏻👍🏻

星期五跟妈妈去叹afternoon tea。呢间店大有来头，系意大利百年烘焙品牌Giovanni Pina，店内仲有意大利最著名咖啡品牌Caffe Milani ，钟意食甜品同饮咖啡一定不能错过。

呢个tea set $298/2位，有2件蛋糕、6件手工迷你挞、一个焗意大利长薄饼包、两杯咖啡或茶。

我哋当然系拣经典米兰咖啡，原来每杯附上一个泡芙，很惊喜。咖啡好香浓，虽然我唔系好识饮，但我觉得几顺口。

薄饼有两款口味，一款系田园蔬菜加鸡肉，另一款系parma ham。两款都有好多芝士，啱晒我口味。薄饼热辣辣微脆，芝士咸咸香香，加上惹味青椒洋葱或者甘香Parma ham，食到舔舔脷。

6件迷你挞之中，我钟意杏仁松子吉士酥皮挞有nuts几香口；fruit tart几经典，酸酸甜甜的生果加埋吉士味道唔会酸，几清新；蓝莓果酱挞成个装满蓝莓酱；仲有一个里面夹左满满cream cheese。

Cake方面就拣左Sacher 同埋棋盘Sacher系比较浓味嘅朱古力蛋糕，中间有层层杏桃果酱，呢款蛋糕会比棋盘甜。棋盘就系海绵蛋糕，中间隔住一层吉士一层朱古力咁，蛋糕松软，吉士加上朱古力的配搭好好味，食完都唔会感觉太Heavy。

我哋食下蛋糕饮下咖啡，慢慢坐，餐厅环境都几舒服，渡过左一个好休闲嘅下午。