经过见到餐厅外观好吸引, 有情调, 就入去食晚餐.
餐厅于商场内开放式设计, 但系又唔会被骚扰, 唔会焗促, 感觉舒服.
甜品雪糕柜设于餐厅另一边, 食完饭可以同朋友或情侣一齐去拣甜品, sweet sweet.

带子芦笋意大利饭
带子鲜甜, 好大粒! 煎到啱啱好熟度. 意大利饭唔会太干身, 忌廉汁好香好滑, 齐体配搭好好味!

冻特浓朱古力
朱古力真系超浓, 有一条条浓朱古力脆脆系顶部, 一路饮一路有香味飘上黎!

食完晚饭好满足, 不过见到D蛋糕好靓, 外买D返屋企食.

开心果樱桃慕丝
开心果味浓慕丝好幼滑, 推介!

红莓慕丝
慕丝一样幼滑, 红莓带微酸, 唔错!

趁今日元宵佳节，老公带我去食好野，呢间黎自意大利既西餐厅，由意大利烘焙大师Giovanni Pina亲自主理。餐厅装修格调高尚，座位唔算太多，门口已经有一个超长既蛋糕柜，每日提供既蛋糕都唔同。

魔鬼薄饼
薄饼超大个，有成8件咁多，但胜在饼底够薄，批边亦够脆，食得多亦唔会太滞，而且带微辣口味，非常开胃，配料有辣既辣肉肠，芝士，罗勒，蕃茄酱。

特浓朱古力
朱古力味好香，亦好浓，唔会太甜。

食完个薄饼已经好饱，但见到D蛋糕又心思思想食，所以就外卖买返屋企食。

苹果批
肉桂味偏重，苹果馅料够多，皮虽然已经冻左，但都够脆。

开心果樱桃慕丝
好少见有开心果味既蛋糕，开心果味虽然清淡，但系都好够味，慕丝蛋糕好滑。

红莓慕丝
红莓带酸酸甜生，清新开胃。

米兰芝士蛋糕
芝士蛋糕口感比较实，芝士味亦好浓。

平时钟意周围觅食，一见到有新开餐厅当然要去一试。开初被佢唔同口味嘅包所吸引，但去到发现Menu都有好多唔同单点嘅食物选择有好多，而且单价都唔算好贵，好似pizza、意大利云吞等等都几吸引，但CP值最为高就系呢个Ciao menu啦！

甘荀姜汤
汤品系西餐不可或缺嘅一环，呢个套餐都包含咗呢个元素。除咗有浓郁萝卜嘅味道，仲有少少姜嘅辛辣度，来得恰到好处，醒胃之余又营养高。

香蒜辣大虾扁意粉
平时嘅香蒜炒意粉都系好惹味过瘾，但呢个大虾意粉更多重辣劲，所以食落更唰嘴，好过瘾！大虾有4只，煮得刚刚好弹口中仲带点嫩。

圣安娜蛋糕
套餐最吸引之处莫过于可以一试佢地主打嘅蛋糕甜品，当日嘅蛋糕系佢地signature嘅圣安娜蛋糕，面头嘅泡芙就最吸引我，内里更有吉士部分点睛，蛋糕面层嘅朱古力cream都几加分，见到蛋糕有不同层次都几有心思。另外仲包咖啡或茶，可以用来配甜品。

食完个set不忘睇下蛋糕柜同牛角包仲有无货啊，一问之下系可以外卖㗎！见到啲牛角包大大只好靓仔就买咗几个返屋企慢慢食！牛角包嘅口味好特别，有原味、爆馅吉士、杏酱、开心果等等。可惜时间太晚了，开心果已经售罄啦。所以拣咗意式吉士牛角包及意式朱古力吉士牛角包，咁大只吉士馅嘅牛角包好少见呢！返到屋企即刻忍唔住同家人分享一齐试试，吉士真系爆馅，冻食包身好松软，同酥脆嘅牛角酥感觉截然不同但却有其独特之处。两只味都好出色，但朱古力吉士嘅味道就相对稍甜，但整体都十分推介大家一试啊！

荃湾新开了一间意大利餐厅，主打意大利正宗蛋糕，午饭时间十二点多来到餐厅都有不少食客，幸好还有空枱不用排队就能入座。
/
甘笋姜汤🌟
甘笋和姜像中式汤的材料配搭，但试过后味道都几夹，姜味不算太重，饮落少少甜。
/
香蒜辣大虾扁意粉🌟
一碟意粉共有四只大虾，每只大虾咬落十分之爽口弹牙，好好食，而扁意粉加了煎香的薄片蒜头炒，辣味是用了去了辣椒籽的辣椒仔，可接受不会太辣。
/
热经典米兰咖啡🌟
咖啡闻落去已经有好香的咖啡味，味道一点都不苦，有少少果酸味，旁边还附上一块小曲奇。
/
圣安娜蛋糕🌟
跟餐的蛋糕，今日的限定午餐款式是圣安娜蛋糕，上面有四粒小泡芙，好可爱，切开层次好丰富，望落有三层蛋糕，食落有少少橙香味，甜甜地，同埋咖啡系绝配。
/
食完饭行出去见到几大个蛋糕柜，出边可以直接外卖甜品，见到有意大利餐厅必食的tiramisu，于是外卖回家品尝。

这间餐厅尖沙咀有分店，我试过觉得环境、食物、服务都有质素。
妈妈最爱蛋糕，得知荃湾有分店，即刻带妈妈来。
坐在餐厅内，会有种似坐在米兰街头食嘢的感觉，很写意。
餐牌款式都几多，最后选了沙律和套餐。
<意大利黑毛猪腩烟肉金枪鱼子合桃沙律配香草油醋汁>
猪腩烟肉有些甜甜的味道，沙律菜超新鲜爽脆，合桃几脆，加了香草油醋汁，唔会觉得太油腻，反而多了些酸味，令人开胃。
~Ciabatta Set~套餐都几抵食，有汤、面包、蛋糕和饮品。
<甘笋姜汤>
汤够热，有甘笋香味，带点微辣，面包条脆口。
<猪手拖鞋包>
拖鞋包外脆内软，猪手皮脆肉嫩，洋葱和其他蔬菜新鲜美味。甜薯很脆。
<棋盘蛋糕>
食甜品是我最期待的一环，餐厅的蛋糕真的好吃😋外边的蛋糕起沙，层次分明，共有五层，里面夹着一层榛子和一层朱古力味的蛋糕，口感柔软。最令人满意是蛋糕没有过甜，而且仍保持湿润的感觉。
<米兰咖啡>
咖啡香浓美味。
用餐时，不停见到有人来外卖咖啡和蛋糕。
如果我住附近就好了!