去奥海城行街，晏昼见呢度有个原只龙虾pizza几吸引就入去试吓。星期六有3-courses set lunch提供，$168包头盘、主菜、甜品和特色饮品。

虎虾田园沙律+$18
呢个upgrade左嘅沙律虾嘅份量多，爽滑弹牙，加上羽衣甘蓝同一d爽口椰菜丝，感觉清爽健康。

原只龙虾pizza +$48
卖相吸引，真系见到一只龙虾铺面，龙虾已经拆肉，pizza馅料有啖啖龙虾肉，大量绵绵芝士，pizza边焗得微脆面粉有咬口，超级邪恶好味。龙虾身虽然已经拆肉，但仍有心思的酿入虾仁、磨菇、芝士，焗得好香。

云呢拿泡芙
呢个系跟餐甜品，有三粒，泡芙松软，一口咬下有冰冻cream，感觉有d似食雪糕，不会太甜。

Cappuccino +$14
最后叹埋杯咖啡，悠闲满足咁结束呢餐午餐。

跟朋友去奥海城行街后去咗呢度食lunch，$168包头盘、主菜、甜品和特色饮品。

虎虾田园沙律
呢个加$18 upgrade，虎虾中size爽口，沙律菜主要有羽衣甘蓝同椰菜丝，味道清清地，几开胃。

美国安格斯肉眼
呢个加左$68。肉眼扒牛味香浓，围边嘅油脂香味充份散发出嚟，我哋拣左5成熟，目测应该超过了，肉质仍粉嫩，有肉汁，不柴皮，沾上少少盐或烧汁更加好味。附上的薯条都不能错过，有一层薄脆粉包住原个薯仔切条，食到尾都外脆内软，沾茄酱冇得输。

香辣朱古力蛋糕
呢个加$38升级，见味道几特别，未试过就试吓，结果几惊喜。朱古力系浓味嘅黑朱古力，配上一点点辣，味道又几夹，辣味中和甜味。朱古力部份质感似松露朱古力，底部有朱古力海绵蛋糕，几好食。

最后叹埋跟餐嘅特色饮品，菠萝梳打，坐下倾下又过咗一个休闲下午。

好耐冇去奥海城，今日想去行下，去左The Point Kitchen 食late lunch，见有两个Menu，一个3-course Holiday Set $168,另一个系Afternoon Set, 我选了3-course Holiday Set $168，好似饱啲，因太肚饿了，所以谂住有得upgrade 既选择，都选个。

先来个加了$18的虎虾沙律，比想像中多虎虾，都有5-6粒，菜底用了羽衣甘蓝沙律菜, 有嚼劲，

主菜叫了面鼓酱烤三文鱼扒, 有两块够厚身, 又鲜甜, 面的面鼓酱汁好香; 旁边的薯蓉，好特别，加了柠檬汁及牛油果蓉，味道创新兼清新，而且薯仔有一粒粒口感,証明唔系用粉搅成，够新鲜，

再加了$24 追加小食， 叫了炸棒棒鸡翼，有3只，好酥脆，配埋个Ribs 的BBQ 汁, 令肉味提升。

甜品再加了$38 叫了香辣朱古力蛋糕，面层边位有一丝丝辣椒丝，又唔算好辣但有轻微辣味，几有新颖。

饮品叫了要加$28的Mocktail, Strawberry Ice cream Float , 即系Strawberry 雪糕新地, 有一球呍喱拿雪糕, 底层有Strawberry果酱, 杯边还有一大粒Strawberry, 够新鲜和鲜甜。