The Point Kitchen位于奥海城一楼嘅店舖，呢间店舖装修环境都唔错，地方都算好宽松，坐落感觉都好有气氛同埋都好舒适!
.
咸蛋黄忌廉鸡肉阔条面
卖相都好吸引，色香味俱全，金黄色嘅阔条面食入口闻到好香咸蛋黄嘅味道，去嘅鸡肉都好腍身咬落都好有口感，捞埋去D茨汁都好香滑，味道都算几好味!
.
香蒜辣椒白酒炒大蚬
好清香白酒味道，D大蚬完全入哂味，食入口感觉充满蒜香嘅味道带有小小辣，十分之惹味，蚬肉食入口都好嫰滑味道又唔错，加埋D薄饼食点吓去汤汁一齐食十分之好味道!
.
面豉酱烤三文鱼配牛油果薯仔沙律及青芦笋
呢款三文鱼肉质好嫰滑好新鲜，食到入口味道好鲜，加埋D牛油果薯仔同埋青芦笋食又够爽口，十分之健康又有营养，去嘅牛油果加咗系薯仔到食味道好特别!
.
棒棒鸡翼
好有创意棒棒鸡翼，十分之香脆又有口感，食入口感觉唔错，味道都好惹味，虽然唔系整只鸡翼食，但系食落感觉都好正!
.
意大利奶冻
味道好香奶味，食入口好软滑，又唔会好甜，味道恰恰好!
.
云呢拿泡芙
卖相好可爱，十分之吸引，真系唔舍得食，软绵绵嘅泡芙，包住滑滑云呢拿，食入口味道又唔会好甜!
.
巴斯克焦香芝士蛋糕
超迷你嘅芝士蛋糕，食入口闻到好香芝士嘅味道，感觉好软滑，味道恰恰好又唔会好甜，
加埋D甜甜生菓食十分之唔错!

.
热榛子咖啡
闻到香喷喷嘅味道，好香浓郁嘅咖啡，饮入口味道恰恰好!
.
杂果宾治
.呢杯宾治卖相都好靓，渐变色睇到都好想饮，饮入口带有小小酸嘅感觉，饮咗都好开胃!

去奥海城行街，晏昼见呢度有个原只龙虾pizza几吸引就入去试吓。星期六有3-courses set lunch提供，$168包头盘、主菜、甜品和特色饮品。

虎虾田园沙律+$18
呢个upgrade左嘅沙律虾嘅份量多，爽滑弹牙，加上羽衣甘蓝同一d爽口椰菜丝，感觉清爽健康。

原只龙虾pizza +$48
卖相吸引，真系见到一只龙虾铺面，龙虾已经拆肉，pizza馅料有啖啖龙虾肉，大量绵绵芝士，pizza边焗得微脆面粉有咬口，超级邪恶好味。龙虾身虽然已经拆肉，但仍有心思的酿入虾仁、磨菇、芝士，焗得好香。

云呢拿泡芙
呢个系跟餐甜品，有三粒，泡芙松软，一口咬下有冰冻cream，感觉有d似食雪糕，不会太甜。

Cappuccino +$14
最后叹埋杯咖啡，悠闲满足咁结束呢餐午餐。

跟朋友去奥海城行街后去咗呢度食lunch，$168包头盘、主菜、甜品和特色饮品。

虎虾田园沙律
呢个加$18 upgrade，虎虾中size爽口，沙律菜主要有羽衣甘蓝同椰菜丝，味道清清地，几开胃。

美国安格斯肉眼
呢个加左$68。肉眼扒牛味香浓，围边嘅油脂香味充份散发出嚟，我哋拣左5成熟，目测应该超过了，肉质仍粉嫩，有肉汁，不柴皮，沾上少少盐或烧汁更加好味。附上的薯条都不能错过，有一层薄脆粉包住原个薯仔切条，食到尾都外脆内软，沾茄酱冇得输。

香辣朱古力蛋糕
呢个加$38升级，见味道几特别，未试过就试吓，结果几惊喜。朱古力系浓味嘅黑朱古力，配上一点点辣，味道又几夹，辣味中和甜味。朱古力部份质感似松露朱古力，底部有朱古力海绵蛋糕，几好食。

最后叹埋跟餐嘅特色饮品，菠萝梳打，坐下倾下又过咗一个休闲下午。