做完运动紧系要医肚啦同朋友周围揾野食，竟然有意外收获呀！

·避风塘生炸鸡髀配红豆冰 (HKD 35)
鸡髀皮脆肉嫩，避风塘嘅精髓在于有蒜蓉嘅独特风味，而且味道浓郁，越食越开胃！

红豆冰值得推介红豆烚得又腍又化，有花奶香，甜度刚好，绝对透心凉！

·神级粟饲叉烧煎蛋饭 (HKD 60)
最正嘅地方系叉烧系取用伊比利亚黑毛猪，肥瘦适中，蜜汁中带点焦香，够哂Juicy仲要系煎双蛋，一切开蛋汁缓缓流出，配埋饭放入口真系好满足

·流心芝士西多士 (HKD 28)
西多士色泽金黄，面头已经有牛油同少量糖浆，要几甜可以自己再落食落有蛋香，配埋芝士一咸一甜，够晒邪恶啦挂？

·樽仔奶茶 (HKD 25)
茶味浓郁，饮落又香又滑，比例恰到好处！

估唔到一间小小嘅冰室，会有咁正嘅美食
下次黎开附近，应该会再帮衬❤️

虽然住系附近但一直未有机会来呢间98小店，今日咁巧朋友来呢边揾我就一齐试啦，却很有惊喜

流心芝士西多士
必食推荐就系非常邪恶的西多士，一切开d芝士就疯狂咁流出，入落口外脆内软，真系食到停唔到口

烟三文鱼芝士滑蛋汉堡
另一个最推荐俾大家的系e个7蛋汉堡，超有港式茶餐厅的风味之余又敢于创新 幼嫩的滑蛋夹埋烟三文鱼、芝士配合得天衣无缝

雪山焗特厚猪扒饭
个猪扒真系好好好好厚，但又够入味又够软淋，仲要系炒饭底架～饭类中最推荐俾大家‍♀️

日本樱花虾炒蛋
樱花虾炒蛋带出个种特有的香味，夹埋烤得刚刚好的丹麦多士软淋淋

避风塘生炸鸡髀
生炸鸡髀已经越来越少见，一唔小心就好似炸到干晒/唔够入味，e间算整得唔错

全日早餐
相比其他全日早餐就没有太太的惊喜，2但都好正常

秘制瑞士鸡翼
鸡翼唔算好入味，有少少扣左分但整体来讲非常唔错

上星期去左老公嘅其中一个饭堂「雪山冰厅」食晏，餐厅嘅食物质素真系唔错、价钱又够亲民。今日有人话要再带我去试下佢另一个饭堂「港口味冰室」。

店舖的门面好 Sharp 醒，用上白底红字招牌，绝对系香港独有嘅本土特色。

餐厅地方不大，但感觉好整齐企理，见到啲台櫈好新净，原来冰室最近先啱啱做完内部装修，黑白地板配以白砖墙身，既沉实又型格。

点左两个皇牌快餐同一碟浸时蔬，见到餐牌上嘅菜式有部分与「雪山冰厅」相同，原来听讲两间系姊妹店。

先试下呢客神级栗饲叉烧煎蛋饭 ($60)，店员话佢哋嘅叉烧非常受欢迎， 午市时段，超快售罄，好彩嚟得早，真系手快有、手慢无。个饭嘅卖相真系几靓仔，尤其是碗边几件用上西班牙伊比利亚黑毛猪炮制的叉烧，不但肥瘦适中、边位带脆，而且中间嘅肉质仲好柔软松化，调味又唔会过浓，食到肉香。

两只太阳蛋亦很值得一赞，煎得啱啱好，蛋黄呈橙黄全流心、蛋白有㶶边，配上粒粒分明嘅米饭吃，口感一流！

另外呢客镇店清汤牛腩饭 ($68) 质素亦不俗，个汤底好清甜，既有牛味又有油香，内有葱花和樱花虾。牛腩水准亦唔错，腍滑入味，而且牛味非常浓郁，口感极佳。萝卜好吃清甜，吸满了牛腩嘅精华，啖啖甘香，腍度亦适中。

两份餐都奉送热饮或例汤，点冻饮则需另 +$3、樽仔系列/特饮就 +$9。我哋点左樽仔奶茶同红豆冰，奶茶有茶香，没有涩味，甜度亦恰当。红豆冰足料又够大杯，红豆粉腍，入口有花奶香。

另外呢碟野菌浓汤浸时蔬 ($35) 味道亦很讨人欢喜，蔬菜新鲜翠绿，有西兰花、白菜仔、菜心等，入口非常鲜甜，清新又不油腻，加上当造野菌，啖啖滋味！

本来想点客下午茶餐：奶酱西多做甜品，不过见到隔离台点嘅公司三文治 ($45) 卖相非常吸引，所以即时转軚，另外仲加配左个粟米杂果沙律。烘底面包外层松脆，沙律菜及番茄用料新鲜，加埋芝士、餐肉、火腿和鸡蛋，口感好丰富。

个沙律虽然系用左罐头杂果制作，但味道很不错，酱汁浓厚微酸，而且分量十足。呢个沙律如果散叫要 $22，而家跟餐只需 +$10，真系超值，食完饮埋杯红豆冰，超满足。