估唔到元朗有一间咁多选择既台湾菜！衣度装修好靓，有好多打卡位！

晚市有炖汤套餐，猪先生二话不说叫左个猪手定食，套餐包左上汤浸时菜同白饭，加8蚊仲有野饮，成个set都唔洗100蚊好抵食！

猪手大大够仲有d芽菜，个汤几足料，好多瓜，饭的份量刚刚好，猪先生食完食个餐表示满足

我就拣左普通三杯鸡定食，都系包左上汤时菜同饭，三杯鸡好大碗，鸡肉好够味，洋葱都唔错，配白饭一流，仲加左个茄子小食，好入味，好好食

饮品方面猪先生拣左原味豆乳，只需要加8蚊，豆乳浓道和甜味都唔错，值得一提既系杯饮品真系好大杯，我就加15蚊拣左特饮生姜地瓜茶，个蕃薯味好出，姜味好够唔会觉得啖

><
场内播住我个年代听嘅台湾歌
琅琅上口 发现而家真系少听咗歌

煲仔·塔香三杯鸡定食($88)
配上汤浸时菜及原盅炖汤

鸡块均匀上色 唔会劲浓味
有好多姜片 蒜头 九层塔 洋葱作配料
非常下饭

清炖肉汤 淡淡肉味唔会过腻
出街食饭都会嗌碟菜

地狱三盛牛肉面($73)
腱心牛肉/ 牛腩 / 牛丸

上枱几大碗 试咗牛肉几软腍
咗一大羹辣酱放入汤头
系钟意嘅香辣辛味

凉拌猫耳朵(+$8)

台南手工馅饼($28/2)
微脆烟韧外皮 咬落有汤汁流出
菜肉比例唔错 每人食件啱啱好

姜蜜薏仁茶($24-$5)
夏日水漾鲜果茶($32-$5)
跟餐加配茶研社饮品 正价减五蚊
><><><><><><><><
桂花小幸
元朗青山公路249-251号元朗广场地下3及5号舖

经过元朗见到有间文青台式店《桂花小幸》价钱经济，环境不错，试一试先！

红烧半筋半腩牛肉面 $64
牛肉汤头用心熬制，一放低已经闻到浓浓的飘香古早味，牛肉部份切得厚度适中，加上每一片都有带筋，所以吃起来有咬口又柔嫩，而牛筋充满胶质，软嫩中带点Q劲，呢个价钱有呢个质素，不错！

麻辣牛肚面 $52
厚实口感蜂巢肚，口感软嫩 ，配上Q弹爽口面条，好好味，特别欣赏的是麻辣酱，香料应该是被炒香过，香辣惹味，既麻又辣，比例均衡，份量可随个人口味加减！

桂花鸡翼 $26
鸡翼亦是必点的，外脆内肉质嫩滑，沾上清甜的桂花酱，清新而不油腻！

仙气火龙果茶 $32
比较清淡的一杯果茶(可能点了少甜的关系)沙冰盖过了果肉，口感也减少了，炎热夏天☀️饮用，应该比较适合！

煲仔塔香三杯鸡定食 $73 (+$6卤肉、$8卤水豆腐、$7手拍小黄瓜)。三杯鸡睇颜色已经觉得非常入味，果种葱姜蒜同九层塔混合嘅香味令人食欲大增。食落九层塔嘅香味更加出，鸡肉好惹味，而且系鸡脾肉，嫩滑爽口。饭系珍珠米饭，烟韧软糯，上面仲洒咗黑芝麻增香。上汤浸绍菜就好腍甜。加配嘅卤肉，肉质略嫌偏瘦，但份量几多，味道唔会太咸太浓，用嚟送饭拍唔错。卤水豆腐卤得好入味，卤水汁都非常惹味，豆腐又唔会卤到又鞋又硬。手拍小黄瓜用醋嘅份量唔系太多，醃得亦唔够入味，但爽口清甜。
椒盐花枝丸(3粒) $26。大大粒外皮炸到香脆，食落略嫌唔够爽口同嚼头，但食到有鲜甜嘅墨鱼肉。
麻辣牛肚 $42。牛肚爽口，但坚系辣，仲系麻辣果只，而且后劲十足，味道都非常惹味。
盐酥鸡排 $38。外皮炸到金黄酥脆，鸡肉嫩滑juicy，就算系鸡胸肉都唔会好干好鞋，咸味适中。
夏日水漾鲜果茶 $32。有西瓜菠萝等水果粒，就算拣咗少糖依然好够味，冰冰凉凉又fresh，消暑解腻。
芝士奶盖桂花乌龙茶 $32。桂花香味好浓，几乎盖过茶味，加咗芦荟，虽然拣咗无糖依然好清甜，加上芝士嘅香味，令成杯饮品味道非常丰富。

近日天气这么好，相约好友一同到元朗大棠行山，行了几小时后太肚饿，回到市中心寻找美食，经过元朗广场地下有间文青餐厅，这里是吃台湾菜面食，有我喜欢而最出名的牛肉面，当然要慢慢享受一下啦！

餐厅装修简约而带文青风格，墙上摆设好有心思，感觉雅致舒适，地方阔落，令人心境平和！

餐牌上除了最有名的多款台南牛肉面外，亦有台南卤肉饭、台式鸡肉饭、麻辣套餐、手作水饺、古早味小吃及台式饮品等，款式特别的台南美食，真的要来食多几次啦！

红烧腱心牛肉面 $59

面条可以拣台湾面或米线，汤底除了原本的红烧牛肉汤之外，可以另外选择养生清炖牛肉汤、清鸡汤、+$4 特浓蕃茄汤、+$4 麻辣牛肉汤、+$4 地狱牛肉汤。较粗身的台湾面，烟韧有弹性，完全吸了香浓的牛肉汤，汤底清甜，加上浓浓的牛肉，肉质软淋有咬口，吃得到带少许的药材香味，口感清润，非常美味。

红烧牛三宝面 $69

劲钟意食牛肉的好友拣了这款，共有3种不同部位的，包括牛筋、牛腩、牛肚，三宝口感软身，都几大块，牛味香浓，台湾面质地爽滑烟韧，每条面都吸了浓厚的汤汁，香甜可口，讃！

我们各加了 $15 配2款小食，所以共有4款 share。

紫菜鱼丸汤

这碗满满的紫菜，汤底清爽香甜，大大粒鱼丸，爽滑弹牙，充满鱼香味，好吃。

凉拌黑醋茄子

浓浓酱油香，散发黑醋的酸甜味，茄子煎得好香脆，与黑醋非常配合，开胃的小食。

萝卜牛肉汤

每一啖口腔充满萝卜味，汤底清甜润喉，带有淡淡牛肉香，好好饮。

卤水豆腐

豆腐经卤水炆煮一段时间后，非常入味，豆腐豆味香浓，很不错。

盐酥鸡排 $38

香脆可口的鸡排，少少咸，外皮炸粉不太厚，鸡肉嫩滑，不干身，外脆内软，吃了不会有油腻感，好惹味！

仙气火龙果茶 $32

桃红色很漂亮的果茶，每一啖都饮到火龙果香味及有些果肉，口感清新，这两杯果茶可以自选少冰、半糖、无糖等，我拣的是半糖及少冰，所以味道是少甜的，消滞解渴，好饮。

夏日水漾鲜果茶 $32

颜色好鲜艳的什果茶，看到杯里的一片片鲜果，是以新鲜水果制作而成，一次过可以饮到几种味道，亦很配搭，清清甜甜，冰冰凉凉，好有夏日的感觉。