系旺角发现咗一间足球主题嘅隐世西餐厅，餐厅挂满球衣，连餐具碗碟都系足球。绿色嘅地下，红嘅櫈，比人感觉好似置身于足球场中有微微背景音乐好舒服。

食物选择几多，基本嘅肉类，意粉都有。

水牛城辣鸡翼 $58
鸡翼有5件。酱汁好正，酸甜带点辣味，鸡翼肉质嫩口，多肉又大只多汁，食到舔舔脷 仲有沙律作伴，中和一下辣味

波士顿龙虾白松露忌廉扁面 Set dinner $168

好抵食！套餐包餐汤，餐包，沙律，饮品。餐汤系罗宋汤，口感厚稠，酸酸地几开胃。蒜蓉包，香陒可口，蒜味十足。沙律新鲜，有几粒爆爆珠，口感好正。

半只龙虾卖相好吸引，虾肉扎实，弹牙，焗芝士令到龙虾食落更加香口滋味。扁面偏硬，充满忌廉酱汁，食落满满白松露味，好味 份量都几多，两个人share食都饱

美国1855顶级牛肉眼扒 $258
好厚身好大块 叫咗五成熟，切开粉嫩色啱啱好。食落每口浓郁牛肉味，肉质偏有咬口。牛扒配烧汁一流，配菜有南瓜溶，羽衣甘蓝，几健康

早前去过旺间一间几好食，今次来油麻地依间食下，食物同样好食，价钱经济。

是日精选沙律 (跟餐) 爽口罗马生菜一堆，加了香甜荔枝爆珠，淋上酸甜黑醋汁胃口大开。

甘笋汤 (跟餐) 味道清甜，食到甘笋碎粒粒口感。配埋蒜香牛油法包食，法包软熟，好香蒜香味。

法国野菌鲍鱼鸡肉香草酱意大利烩饭 $168 用香草酱煮意大利饭的确少见亦相当好味，唔会好草青味，好钟意个饭够creamy唔会好腻，加埋野菌碎、鸡肉碎好有口感，味道好夹，仲有只口感弹牙的鲍鱼，咬啖超满足。

新鲜水果红茶 (跟餐) 杯中果肉不少，饮落微甜口感清爽。

咸蛋黄小食拼盆 $118 拼盆有鸡翼、薯角、洋葱圈、薯丝虾和德国肠。捞左咸蛋黄无得输，件件咸香惹味沙沙口感，而且炸得香脆肉嫩。

法式焦糖炖蛋 $68 卖相精致，以蛋型玻璃器皿装载炖蛋，薄薄的焦糖脆面，加上炖蛋口感细密幼滑，好好味。旁边放左件千层酥，味道标准。

朱古力心太软 $68 朱古力味浓，切开热辣辣的朱古力浆流出，淋埋云呢拿酱更加美味，慢慢叹甜品真系唔错。

餐厅：Lockeroom Dining (油麻地)
地址：油麻地弥敦道558-560号誉发广场8楼

油尖旺区黄店西餐厅Lockeroom Dining喺一间阿仙奴球迷开嘅餐厅⚽️，餐厅以阿仙奴为主题去布置，有球员嘅签名球衣、相、纪念品等，老板开咗三间分店，而今次亦都喺第一次去油麻地誉发广场呢间分店

佢哋嘅午餐真系平到冇人有，价钱由$55-$85不等，仲包埋餐汤、蒜香牛油法饱、咖啡或茶同埋甜品，呢个价钱呢个质素，仲要系楼上西餐厅嚟讲，绝对系超值

美国黄油大鸡髀扒配肉骨肠 $75
呢个鸡髀扒真系超大块，鸡皮煎得香脆，切开鸡髀肉喺啖啖肉，另外仲有一条去咗骨嘅鸡肉肠，除咗有好少见嘅紫薯蓉之外，亦有唔少杂菜，另外仲可以加意大利粉，呢个意大利粉仲系加咗茄酱去炒，认真每一样嘢都唔马虎

低卡芝士黑松露焗黑毛猪蛋炒饭 $65
将切开咗一条条嘅黑毛猪块放喺炒香嘅蛋炒饭上面，面头加上黑松露白汁同埋低卡芝士，捞埋一齐食真系芝香无比，黑毛猪仲有成块扒嘅份量，食落爽口肉香味浓，呢个价钱仲有咩可以弹？

冰镇原只鲍鱼 $98
一碟有两只，先将鲍鱼连壳蒸熟，之后立即放入熟冰水冷却，保持鲍鱼嘅质感同水份，之后再清洗干净内脏同离壳放系冰块上面，配埋柠檬汁同埋餐厅自制嘅青酱，一啖放入口，清甜爽口，咁样食鲍鱼真系好幸福

即制梳乎厘班戟 $88
呢份原味Pancake都算挺身，不过就有少少出水，但整体来讲都好疏乎松软，动L动L，食落有啲棉花糖质感咁，亦有阵阵蛋香，加上炼奶同埋木糠碎，口感同味道就更丰富，可以一试

最后上埋用咗靓靓花花杯装住嘅热Latte同红枣茶，仲有跟午餐送嘅蛋香味重黑松露焦糖炖蛋，呢一餐简直就系高性价比！我一定一定会再返嚟帮衬。埋单阵同老板倾咗两句，佢都话希望可以用咁平嘅价钱，喺呢个疫情底下出少少力，帮吓大家香港人，真系抵佢地越开越多分店