餐厅：惊安烧肉商店 (尖沙咀)
地址：尖沙咀金马伦道48号中国保险大厦3楼C号舖

筲箕湾烧肉黄店激安烧肉工房啱啱12月喺尖沙咀开咗新分店💛，踏入牛年🐮，紧系要食吓烧肉♨️，叹吓佢地最近喺IG火热吸睛嘅九宫格牛肉啦🤤

依家限时新张午市优惠，正价单点食物仲有七折，以下我点嘅所有食物都有七折，成张单夹埋都系三百几蚊咋😍

九宫格烧牛盛盒 $288
呢个简直系牛魔王嘅恩物😍，九款牛有紫苏渍一口牛安格斯、黑毛牛小排、草饲牛肋条、A4和牛、安格斯牛三角、黑毛牛梅花、安格斯牛仔骨、prime级牛小排同草饲牛护心肉，高质得嚟有唔同部位比你多种嘅享受🐂，两个人开心share就啱晒

日本味噌黑豚五花 $68
黑豚五花腩片烧完逼出肥膏油香😋，薄薄一片入口即溶，用日式味噌醃制够哂惹味🇯🇵，钟意浓味同五花腩嘅朋友可以一试😌

食咁多肉紧系要食返啲蔬菜啦🥒，叫咗个野菜六盛盒($58)，里面有冬菇🍄、翠玉瓜、白笋、秋葵、粟米芯同莴笋各两片；另外仲叫咗个饭团($18)，烧完有少少饭焦嘅感觉，放上紫菜包住嚟食，热辣辣好滋味🍙；最后有日本奶油泡芙($12)做甜品，一客有四粒，七折计返都系两蚊粒咋😂

餐厅墙上句「No Beef No Life」讲中咗我嘅心声🥩，如果无咗烧肉真系无咗人生一大享受🙈，值得一提佢哋嘅通风系统做得几好，食完都唔觉个身有好大阵烧肉味👍，食完去行街shopping都无有怕😆