餐厅：break (观塘)
地址：观塘海滨道77号海滨汇1楼13-14号舖

早排沿牛头角方向行到海滨嘅尽头，认识到海滨汇呢个秘密花园，今次就去咗1楼呢个开业咗接近一年嘅Cafe——Break食个靓饭、饮杯靓啡、打个靓卡😆

老板以前喺观塘做外卖店🥡，发觉香港人平时已经咁忙，连食饭嘅时间都要颓食挨饭盒，所以就以「Break」为名开咗呢间Cafe，比食客喺呢到放松take a break，喺工作以外放慢脚步👣，那怕只系果一个钟

佢地提供日式西餐同手冲咖啡☕️，以无味精、非颓食为主打，而且每星期都会转餐牌保持惊喜，所用嘅材料主要来自日本🇯🇵，等你可以安心咁享用高质美食🥰，佢地仲会不时搞拉花班，比志同道合嘅人有机会学多一门手艺👍

鳗鱼丼 $128
Cafe选用日本鳗鱼🇯🇵，两块蒲汁鳗鱼食落肥美，无骨又唔腥，加$18要埋香葱滑蛋，成为咗呢个丼饭嘅精髓，满满嘅滑蛋放咗系饭同鳗鱼中间，蛋汁渗透到每一粒饭粒，令饭无咁dry，一啖食哂3样嘢，果种滋味依家谂返都流哂口水🤤，叫和食仲包埋樱花虾味噌汤同埋前菜，另外我仲加$28要多咗件是日蛋糕——朱古力蛋糕🍰

Very dirty $50 (跟餐减$24)
餐厅用咗冻杯，倒入比dirty更大比例嘅浓缩奶🥛，同埋热辣辣嘅espresso♨️，嘴唇贴落杯面有冰冻感觉❄️，之后饮到暖笠笠嘅espresso，再饮多少少喺creamy幼滑嘅鲜奶质感，简直喺冰火交融🔥，呢杯Very dirty比普通dirty更细腻香滑、奶香味浓，仲见到好清楚嘅分层，值得一试

Espresso tonic $52
喺Cafe坐耐咗少少喺到睇书，所以叫多杯特式咖啡嚟饮，叫咗杯espresso tonic，加$10升级做日本嘅Wilkinson tonic，有得拣梗系拣好啲，拒绝中国玉泉梳打，espresso嘅味道仲更突出，而所用嘅Ethiopia嘅咖啡豆，佢nutty嘅口味唔会比平时嘅玉泉梳打甜味盖过，饮落更香又有气😍，呢$10绝对抵加