餐厅：朱古力旅程 (观塘)
地址：观塘成业街19号成业工业大厦4楼416号舖

有时逗留喺烦嚣嘅都市太耐，都会想揾返个零静嘅角落透下气，做下角落生物😂。今次去到观塘成业工业大厦呢间 The Cocoa Journey ，等我带你进入呢一个朱古力嘅旅程🍫，享受一下清幽平静嘅时刻🥰

The Cocoa Journey 主打Bean-to-bar朱古力，即系由拣豆、烘焙，到制成一排朱古力都系由同一班嘅朱古力工艺师一条龙去做🧑‍🍳，佢哋仲有卖10几个唔同产地嘅朱古力添，单喺朱古力bar就已经有68种，大部份仲要喺市面上揾唔到嘅添😍

我今次嚟叹番杯嘢饮，坐低休息倾吓计💬。一去到就俾佢嘅环境吸引咗，仲有一个area喺地毡形式比人去坐🧸，好有feel呀，不过坐𠮶阵就要记得除鞋喇👟

中美洲伯利兹手冲可可茶 $48
伯利兹拥有好多宝绿色嘅热带雨林🌲，得天独厚嘅地理位置令当地嘅可可具有独特嘅香味，享负盛名👏。每年5月22日，当地城市托莱多仲会举行伯利兹朱古力文化节嚟庆祝果到生产嘅可可。估唔到饮落清新自然，无论闻定系饮都有淡淡嘅可可味，真系好特别，我都系第一次饮可可茶，有机会大家都要试吓👍

巴西手冲咖啡 $48
巴西喺全球最大嘅咖啡产地🇧🇷，亦喺咖啡生产嘅第一大国，最高峰甚至可以占全球产量嘅30%以上。巴西咖啡豆有独有嘅「软豆」风味，坚果🌰、巧克力味甜香，酸苦均匀而且有好好嘅醇厚度，饮落舒服柔和，非常nutty😚，爱啡之人不妨嚟品尝吓