观塘工厦新开张嘅小店食寿喜烧😃 小店环境清静，装修好日式，坐得舒服。店长好亲切介绍食物，仲要差唔多全程都帮我哋烧 。

我哋分别叫咗澳洲M9黑毛和牛$298同日本产A4和牛$458套餐，跟饭同乌冬，仲有甜品。配料好丰富，睇得出厨师好有心思，冬菇同红萝卜都有修饰下形状，靓靓咁上枱🌸

前菜有三种味，分别系车厘茄柚子豆腐（甜）时令萤光鱿鱼（咸），蟹籽小贝柱（酸），好特别又精致，唔错嘅开胃小食😆

寿喜烧主要系将酱油倒入锅中薄薄一层，然后放入配料，吸至入味。店长首先用牛脂帮我哋开炉，然后就开始帮我哋烧牛牛lu～😙 M9牛味较浓郁，色泽较红，肉质较紧实。而A4和牛油花分布较多，肉质软嫩，沾上滑脱脱嘅蛋浆，入口令人一试难忘😌 而乌冬就好有弹性，配吸唒酱油嘅配𩠌食，好满足😋😋

茶系白桃乌龙，食多左牛觉得油腻，淡淡清香白桃味，即时帮我解腻。

而甜品就系抹茶布甸，浓厚嘅抹茶牛乳味，好软滑😆

呢间真心唔错，等疫情好返，要叫埋一班朋友去，边食边吹水应该会系唔错嘅饭局😍

餐厅：喰楽 (观塘)
地址：观塘开源道60-62号骆驼漆大厦3期9楼H号舖

跳舞前去咗观塘嘅骆驼漆大厦食饭，今次去咗呢间开咗无几耐嘅日本餐厅——「喰楽」，餐厅名意指希望客人进餐嘅时候可以得到满足、快乐🥰

一入到餐厅就好有日式味道🎎，虽然餐厅唔大，得4张枱，但系每枱之间都有竹帘隔住，配合埋几幅日本画同植物🎋，成个感觉真系好似去咗日本咁🇯🇵

日本A4和牛关东寿喜烧锅定食 $168
关东风寿喜烧嘅做法喺预先将菜煮到8成熟再上菜，缩短咗烹煮过程♨️，日式A4和牛用咗三个部位，每样两件，分别喺肩甲、肉眼同三角位，我尤其钟意牛三角，入口即溶，脂肪比例虽然唔高，但和牛肉味依然浓郁🤤，亦唔会有筋或者咬唔开嘅感觉👍

日本A4和牛日式烧肉定食 $168
烧肉定食嘅和牛用咗牛肩甲部位，肉同脂肪嘅分布清晰分明，脂肪嘅油脂分泌令牛肉更香口鲜味，另外仲加上京葱，蘸埋酱油就更加惹味😚，不过我就钟意就咁原汁原味喇

每个定食都配白饭，另外仲有三款餐厅自己整嘅高级前菜同甜品，前菜分别有海蜇秋葵、北海道带子配皇帝菜同埋玉子烧，甜品就喺海盐味大阪牛乳雪糕🍨，果然与别不同

小食叫咗个软骨鸡肉棒($18)同烧鸡软骨($18)，一客有两串✌🏽，火候掌握得几好🔥，烧得香口而唔腻。配埋餐厅嘅茶就一流，佢地用咗白桃乌龙，未饮都已经闻到好香浓桃味🍑

最值得一赞喺佢哋嘅服务态度，每款食物都会逐一介绍，例如和牛喺用咗牛嘅边个部位、寿喜烧点样食法等，挂住日本、钟意食日本菜嘅人真系要Mark低呢间餐厅喇💯