今日帮人搬屋，做到好攰，唔想下厨。知道柴湾最近新开左间叫「炸鸡兄弟」嘅韩式炸鸡深宵外卖店，今晚就一于躲懒唔煮饭。

店子营业时间由晚上 6 点至凌晨 1 点，买满 $400 或外卖自取可享 9 折，而晚上 11 点后宵夜时段更可享 77 折。

店舖虽然净系做外卖，不过食物嘅款式都几多，除了主打嘅炸鸡之外，仲有韩式汤、沙律、韩式料理、小食、烤肉卷、炸鸡啤酒套餐及饮品等供应。

点左炸鱿鱼圈、两款炸鸡同年糕鱼糕汤。

先吃炸鱿鱼圈，大大盒，分量不少，外层的炸浆虽然不算很酥脆，不过鱿鱼肉好厚，肉质软熟鲜香，一点也不韧，调味亦恰好。

店里的炸鸡一共有 5 款，包括韩式兄弟、韩式甜辣、蜂蜜牛油，雪山芝士同火辣熔岩。拣左韩式兄弟(即系原味) 同 蜂蜜牛油。鸡件即叫即炸，虽然唔系当场食，但拎到返屋企仍然新鲜热辣，两款都点左 2-3 人分量，一客大约有十几件左右，分量十足。

两款炸鸡都做得很出色，原味炸鸡大大件又有肉，而且最难得就系炸后没有过份油腻的感觉，皮脆肉滑又 Juicy，没有半分雪味，不沾酱料也很好吃。

而蜂蜜牛油𠮶款嘅鸡皮就好薄，几乎没有脂肪，咬下还有肉汁，不会干巴巴，加上味道香甜，带蜜糖和牛油香气，容易引起食欲。

年糕鱼糕汤，味道亦不错，汤内有软绵的鱼糕和烟烟韧韧嘅年糕，汤底清淡顺喉，用来配饭面或者炸鸡，真系一流！