餐厅：四宝食堂 (旺角)
地址：旺角豉油街23号地舖

晚上走到旺角街头，闹市境况再次浮现，今次被呢间四宝食堂 @Soulkitchen729 吸引咗入去😍，湖水绿同埋打卡花花墙，加埋中西合璧嘅嘢食，比你有别树一格嘅食饭享受，打破传统茶餐厅嘅框框

「安唔安心？唔安心你仲有选择可以拣嘅！」晚市堂食开始恢复，最多人担心嘅都系惊食得唔安心，准备入去果阵店员问到，咁我就紧系拒用安心出行啦🙅‍♂️

今次同朋友点咗下面嘅食物🍴：
经典叉烧滑蛋饭 $62
烧美国顶级封门柳 $138
小食拼盘 $128

估唔到可以左一啖叉烧滑蛋饭，右一啖五成熟封门柳🤣。滑蛋同叉烧嘅份量都几多，滑蛋唔系全熟，仲有少少蛋汁嘅香滑质感，叉烧原片上，半肥瘦叉烧惹味之余仲可以保留原片食嘅口感；封门柳拣咗五成熟，喺牛横隔膜嘅肌肉，每只牛得一条，肉味较浓郁，油花唔多，切开肉汁丰富，so juicy😋，配埋餐汤同埋够待别、份量又多嘅松露海盐薯条，果然连薯条都唔马虎😎，大爱佢地呢款香口唔咸嘅薯条

小食拼盘有两款鸡翼、香草猪肉肠、洋葱圈同炸薯条，钟意食香口小食嘅人叫呢个拼盘就啱晒🤤，我特别钟意佢用竹签拮住嘅香辣鸡翼，唔知呢度有冇鸡翼控呢😆？洋葱圈卖相吸引，不过就有啲厚粉🤏，蘸埋辣酱食就会好啲；仲有充满香草味嘅猪肉肠🌿，老板可唔可以要多两条🤫

除咗旺角店，仲有铜锣湾同北角两间分店，不过对于我呢啲九龙人嚟讲旺角店就就脚好多🦶