好遗憾之前去台湾饱得滞食唔落爆馅芋泥肉松吐司好彩而家香港都有！
·
肉松芋泥吐司（$40）其实我唔太喜欢芋头但好爱肉松mix埋一齐我觉得都唔错！吐司烘到热辣辣香脆，夹住微冻香甜芋泥、仲有正正肉松建议2个人share,食完一件已经饱饱地～不过芋泥可以热食既话，会更好味
·
古早味炸鸡卷（$45）妈妈睇餐牌见到就话好吸引好想食但食落咸左少少同埋肥膏位有点多不过食落唔会好干身.
·
台湾牛肉汤面（$72）唔建议大家点牛肉面牛肉份量少且鞋口.有一两粒好有韧性放弃左
·
溏心蛋（$13）同蛋魔始祖-妈妈食饭，紧系要追加不过不失
·
⚠️我地仲外卖左芋圆番屋企叹～不过好稀，卖相唔靓仔无影到唔知堂食系咪会好啲...
·
你妳
荃湾运通街6号运通洋楼地下K号铺

终于挨到星期四，听日就开始放一连五日嘅复活节假，真系谂起都兴奋，今晚就一于两口子嚟荃湾运通街揾食。

其实呢间以粉紫色为主调嘅台式小店，想帮衬好耐，不过一直懒得行，难得今日有人主动提出话要去试下，我当然乐意奉陪。

据说餐厅系由一对 80 后嘅情侣开设，取名「你妳」，主打一系列台式美食，而当中最吸睛嘅，相信非几款铁板手作芋泥吐司莫属。

我哋点咗个套餐：士林香肠鲁肉饭 ($74)，另外再加咗小食同吐司各一份。

碟鲁肉饭质素唔错，鲁肉肥瘦适中，调味亦恰好，入口有酱油香，用来下饭一流。米饭够热，粒粒分明，食落颇烟韧。士林香肠皮脆肉嫩，入口甜甜地，充满台湾风味。伴吃的溏心蛋亦很有惊喜，蛋心甘甜，蛋白入味。

套餐 +$8 可以配杯台式特饮，而 +$18 更可以配烫青菜鲁肉汁。拣咗杯炭焙乌龙珍珠奶茶，奶茶很顺滑，入口散发独特的炭焙香气，就算饮到尾都不觉太腻。

烫青菜好爽口，鲁肉汁能带出蔬菜嘅鲜甜，唔错。

另外呢个小食台南鲜虾卷 ($45) 水准亦不俗，用上鲜虾嚟炮制，内有蔬菜粒，加上新鲜即炸，挟起来时仍热辣辣，爽口又弹牙。

芋见紫薯吐司 ($45)，份吐司嘅馅料真系好饱满，紫薯+芋泥，两种紫色拼埋一齐，一深一浅，感觉好梦幻，用嚟打卡真系一流！芋泥口感非常绵滑，芋头香气突出；而紫薯泥亦香甜细腻，夹埋一齐食，绝对可以满足到紫薯和芋泥控的欲望！

另外再加多咗杯芋泥珍珠小芋圆 ($39)，睇下几足料，除咗绵密嘅芋泥之外，杯内还有不少 Q 弹嘅珍珠和嚼劲十足嘅小芋圆。饮品完全无添加任何的色素同香料，啖啖都真材实料，整杯喝完超满足！

一场嚟到，无理由唔食埋甜品先走，单系仙草系列就已经有4款可供选择，花多眼乱，真系唔知拣边款好。心大心细，最后点左仙草 2 号 ($46)，材料包括有仙草、三色芋圆、包馅芋圆、小丸子和红豆。

仙草好滑溜，芋圆每粒都食到芋头香。小丸子口感烟韧、而红豆亦煮得好腍，加上甜度又够适中，两个人 Share 一份啱啱好。

餐厅：你妳 (荃湾)
地址：荃湾运通街6号运通洋楼地下K号舖

终于有机会去荃湾嘅南丰纱厂，去之前梗系唔少得喺附近揾间黄店医吓肚仔喇，呢间「你妳」主打手作芋泥，喺一间台式餐厅，仲推出唔少新款台湾菜式

芋见紫薯吐司 $45
将芋头同紫薯合二为一，连埋多士一啖放入口，同时食到两种口味，厚实嘅两种馅料丰富大爆发，无论喺医肚仔或者打卡都一样咁得

你妳珍珠鲁肉饭 $36
呢个新式嘅饭喺限量供应，里面有青瓜丝、珍珠同埋肉松，大家唔好比佢个名鲁肉饭呃咗，其实入面系冇鲁肉，反而喺用卤肉制成珍珠，真系好少见，咬落烟韧得嚟又咸咸地，同个饭衬起上嚟完全冇违和感

嚟得台湾餐厅梗系唔少得叫台式甜品同饮品啦，呢个仙草2号($46)有三色芋圆、包馅芋圆、小丸子同埋红豆，如果会食甜品嘅话就唔使叫咁多主食，因为每一碗都满满好足料；台饮就叫咗高雄红茶牛奶珍珠($35)同埋桂圆红枣($23)，佢哋嘅红茶牛奶比到惊喜我，所选用嘅红茶茶叶香浓突出，茶香好吸引，唔错唔错

周末中午时间去都几多人排队，等咗10分钟左右先有位，而入座起计限时60分钟，虽然地方浅窄，但胜在食物较新颖同有创意，真系好挂住台湾啊

第二次同朋友食 晚餐时间唯有外卖你妳有推出两个便当外卖餐 饱肚 而且都几有台湾当地菜式味道

外卖便当A(配卤肉饭)
有卤水大鸡扒、炸花枝丸、溏心蛋
几like个鸡扒 卤水味好香好出
肉质嫩滑 而溏心蛋都有流心效果
成个餐其实几丰富
.
外卖便当B(配拌面)
有猪颈肉、鲜虾卷、溏心蛋
猪颈肉同鲜虾卷炸到香脆
拌面配上泰式酸辣酱 酸酸甜甜
不过都系中意卤肉饭多啲！

肉松芋泥吐司
满满嘅肉松 质感松脆
芋泥幼滑 唔会太甜
两个味道都几夹 但系要冻食嘅
建议大家买番屋企叮热再食 暖笠笠
———-
你妳 (荃湾)
荃湾运通街6号运通洋楼地下K号舖