同朋友黎呢间法式小清新餐厅午餐，装修格调舒适宜人，环境相当不错，仲有打卡位提供给客人。

法式咸薄饼配煎蛋藜麦沙律配烟肉）$118

第一次尝试法式薄饼，觉得好惊喜，薄饼松软，仲有淡淡既芝士香味，再配上洋葱条、椰菜花同烟肉，口感更佳。

法式多士 $88

呢件多士我真系拒绝唔到，摆盘够晒靓，一上黎就忍唔住帮佢影相。
烤到金黄的多士，外层微脆，内层却入口即融，再配上蓝莓草莓同忌廉口感丰富得黎又唔会觉得漏。

伯爵奶泡 $48
伯爵奶泡茶底香浓，表面仲有一层奶泡，饮落几清新。

杂莓乳酪冰沙 $58
杂莓乳酪口感酸酸甜甜，相当不错👍

总结：餐厅价钱比普通西餐厅更抵，谂唔到食物质素咁高，一定会推荐朋友黎食。

Boon (观塘)
观塘骏业里10号业运工厦14楼G室

餐厅：Boon (观塘)
地址：观塘骏业里10号业运工厦14楼G室

唔知你觉得食饭喺唔喺一种恩赐呢？最近去咗观塘一间新嘅fusion餐厅，以法式菜为主🇫🇷，加入日式元素🇯🇵，佢地每款菜式都加入一啲独特元素，希望客人可以食到出面食唔到嘅菜式。餐厅名叫「Boon」，意思即喺恩赐，老板最希望客人嚟到呢度relax又开心，好似得到一份礼物咁🎁，而餐厅充满唔同手工艺植物同乾花💐，衬埋简约风格形成一种小清新风气

今次同朋友食咗个early dinner，叫咗：
1️⃣炸蠔 $58
2️⃣封门柳 $168
3️⃣士多啤梨法式甜薄饼配意大利gelato $98
4️⃣Chocolate Latte $48
5️⃣杂莓乳酪沙冰 $58

话明喺法式享受，餐厅唔会催你食完就要走，比你喺用餐嘅过程慢慢听住舒服嘅音乐🎼，同朋友倾吓偈💬，享受一个真正慢活嘅空间😚

先嚟嘅喺饮品，我饮嘅Chocolate latte，唔好比个名呃到，其实入面系冇咖啡成份，latte之意在于饮品面头嘅鲜奶泡泡，而佢地选用嘅可可粉饮落有浓郁朱古力香🍫，形成渐变层，加上烧过嘅Marshmallow，又几似云上云☁️；朋友饮嘅杂莓乳酪沙冰由raspberry、黑加仑子、士多啤梨🍓等打制而成，加入埋yoghurt，净喺粉红色嘅造型都够哂夺目😍

佢地嘅炸蠔喺嚟自日本🗾，经老板严选之下先拣出呢款炸完依然好爆汁嘅生蠔🦪，而且外层唔厚，唔会食到成口粉👍；封门柳配上烧鲣鱼片，薯蓉加入紫菜元素，仲有自家打造嘅昆布牛油汁🧈，可以话完美示范咗一道菜点样将日式同法式融合，封门柳煎至接近五成熟，色泽红润带点熟成嘅颜色相当吸引，食落配埋脆脆香口嘅鲣鱼片真系好特别😚

不得不提紧喺甜品啦，薄薄两片嘅法式甜薄饼，加上云呢拿味嘅gelato🍨，再画上士多啤梨酱同加上鲜士多啤梨果肉🍓，未食都已经流晒口水🤤，打返张卡先啦📸，笑～～～