今日嚟到炮台山揾朋友，佢带我去一个好地方，可以倾吓计、食吓野，就系一个可以坐足成个晏昼嘅Cafe！餐厅环境好大，我地去嘅时候系下午茶时段，虽系系星期六但唔算多人，大家都好安静咁睇下书，做自己嘅事。

我哋每人点咗一份Tea set，每人一件蛋糕和一杯饮品，啱晒钟意食甜品嘅我哋！

伯爵茶雪芳蛋糕配鲜忌廉
英式伯爵茶香气扑鼻，除咗口罩都即刻闻到！食落空气感好重，再配上浓厚嘅cream，但味道并唔会太甜，感觉上健康啲。

草莓芝士蛋糕
劲重口味嘅芝士蛋糕，旁边加咗酸酸甜甜嘅草莓酱。呢个size一个人食都几多下，所以要点埋啲草莓酱食落先会Perfect match。

今日嘅天气好热嚟到即刻嗌埋杯Ice Chocolate和Ice latte，好浓郁同refreshing！呢度环境真系好休闲嘅地方，同朋友可以聚一聚！

楼上 Café 一向都系香港人周末嘅好去处，不过想揾一间静静地、又要空间感十足嘅楼上咖啡店，真系唔容易。

最近就有朋友推介左北角一间取名「Coffee + Space」嘅咖啡室俾我。店舖位于城市花园商场 14 座，位置看似有点隐蔽，但其实沿着扶手电梯上一层就会即刻见到。

踏进店，地方果然很宽敞阔落，而且集多功能于一身，除了供应轻食和咖啡之外，仲可以俾人 Book 场用嚟做讲座、音乐表演、艺术展览、私人派对、举办市集等等。

餐厅采自助形式，客人要先去柜位点餐，然后等震荡器响动，就可以到服务台取餐。我哋点左新加坡海鲜喇沙米线 ($60) 同 葡汁鸡扒温泉蛋饭 ($55)，另外再加左件蛋糕。

跟餐配送餐汤及红茶或柠檬茶，是日餐汤为西兰花菠菜汤，将两种蔬菜打碎做成浓汤，入口清新，没有草青味。

喇沙米线颇大碗，汤头顺喉不腻，入口富香浓咖喱味。米线够爽滑，挂汁不易腍。配料有虾只、冬菇丝、蚬肉、鱿鱼、椰菜同半只温泉蛋，十分足料。温泉蛋蛋白嫩滑、蛋黄粉香，非常美味。

至于葡汁鸡扒温泉蛋饭，亦做得很不错。鸡扒金黄耀目，肉质嫩滑又 Juicy，入口啖啖肉。葡汁中的咖喱下得轻盈，香而惹味，用嚟捞饭食，一流！

餐厅呢日有两款蛋糕供应，包括原味戚风同柚子果香蛋糕 ($35)，选了后者。蛋糕焗得非常靓仔，色泽金黄，糕面有一层棕色饼皮，糕身实净又唔乾，而且入口还散发著阵阵清新的柚子果香。

食完蛋糕仲可以慢慢坐，上下网、睇下书，享受下悠闲嘅时光，很不错。

餐厅：咖啡空间 (北角)
地址：北角电气道233号城市花园商场14座1楼95-96号舖

周末嘅下昼去咗北角嘅黄Cafe💛——咖啡空间 @coffeespacehk ，可以食件饼、饮杯咖啡、做吓自己野，享受一下me time真喺好正🐻，呢度系一个共享平台地点，开咗三年，时不时会有一啲艺术展览、交流、培训、会议举行，同时系一个俾人食嘢饮咖啡嘅好地方😎

嚟呢度唔洗怕俾人赶走，好多学生都喺度做功课温习📚，而今次我喺到大约两个钟，叫咗个蓝莓芝士饼($40)同一杯基础系列手冲咖啡(原价$65,跟下午茶减$10)

呢度嘅蛋糕每日都唔同款🍰，仲要全部都系自家制，卖晒就会冇，呢个芝士饼都几厚实，仲有脆脆地嘅饼底，而蓝莓酱系另外上🫐，所以就算你唔钟意食蓝莓都冇有怕

咖啡我拣咗嚟自哥伦比亚嘅Tabi中烘焙咖啡豆🇨🇴，饮落口较fruity，有啲似葡萄🍇、红酒🍷、车厘子🍒嘅味道，入口厚实，摊得越耐果酸香就更突出，餐厅仲提供埋咖啡干粉比我闻，可以一次过享受饮同闻嘅滋味，仲讲解咗一次俾我听点样饮，另外比咗杯清水我漱吓口，确保品尝到咖啡豆最纯最真嘅味道☺️️，呢个服务真系一流👍