去开荃湾荃新天地二期，见到有间新开既意大利餐厅有位音乐人系度弹结他，咁特别梗系要去试下啦。

店舖主打海鲜，四只法国直送白珍珠大大只，系出色既。海水味重，肉质非常爽口又饱满。

黑松露忌廉汤

个汤好香黑松露味，味道浓郁，质感creamy。

洋葱芝士烟肉焗大啡菇

大啡菇好大只烧得好香，里面好juicy，加上洋葱同烟肉碎好有口感。仲有芝士既咸香。

香草牛油焗田螺

田螺竟然系冇壳既，用左waffle筒代替，咁就可以连壳食，好有心思。

西班牙黑毛猪拌焦糖苹果

好大块有厚度既黑毛猪扒，肉质松软，烧汁加上苹果粒既香甜更加惹味。

火焰雪山

甜品系好少地方有得食既火焰雪山。店员会帮手淋酒同点火，烧完再加朱古力酱就可以食喇。充满酒香既雪山入面系软绵绵既蛋白包住蛋糕，里面仲有雪糕，一次过3种享受。

整体黎讲食物味道相当唔错，又有live music听，十分享受。
。
。
GF Bistro
荃湾杨屋道18号荃新天地2期UG楼1-3号舖
。
。