餐厅：豆豉餐室 (美孚)
地址：美孚百老汇街77号美孚新邨四期商场保龄中心1楼

美孚新邨一向喺平民地带，最近行经见到佢哋嘅美孚新邨四期商场，见到保龄球中心入面开咗间新餐厅——豆豉餐室 @bistro.beans ，对比起成个商场就好似一个世外桃源，有啲似clubhouse入面嘅西餐厅🍴，不过平时都可以行入去walk-in食嘢

早上十点左右嚟到，不过到左11点左右开始都几多人衬新开业而嚟，我同朋友叫咗两个早餐share嚟食：
班尼迪蛋伴烟三文鱼及英式松饼 $68
香煎牛扒伴鸡蛋及牛角包 $78

呢度嘅早餐相对起出面嘅Cafe价钱相若，价钱由$58至$88，以西式早餐为主。班尼迪蛋约八成熟，切开仲有些少流心状态，发挥到应有嘅水准，仲用咗只可爱嘅鸭仔小兜装住啲杂菌野菇，未食就已经闻到好香🤩

牛扒同牛角包都几大份，牛扒加上烧汁同黑椒就更吸引🥩，食落香口唔会好韧，牛角包外脆内松软🥐，即叫即食先系最佳嘅享受，仲有两只太阳蛋🍳

食早餐梗系唔少得饮杯Latte啦☕️，不过呢度嘅咖啡都系用咖啡机冲调，唔系人手拉花𠮶只，嚟食嘢嘅话就要问清楚喇

餐厅新开无耐，有个中年年纪嘅女店员特别好服务🤵🏻‍♀️，服务好嘅餐厅真系食都食得开心啲😌。食完嘢唔赶时间嘅话，可以去埋隔离度打保龄娱乐一下，不过都系果句：紧记时刻做好防疫措施啊🦠