陪朋友叮叮游到筲箕湾
行行吓见到形荟几光猛就上咗去
九井食堂门面好光鲜抢眼
日本嘢嚟讲 价钱牌亦非常平民价
原来系新开店
我哋果然有探索新嘢嘅雷达 一于入去食晚餐先！
极上拖罗刺身丼 (定食$210)
大口卜嘅油脂在发光✨✨
好好味
有埋拖罗蓉捞饭实在太正
可以再加多点葱花就更完美
敲桌表示必定下次嚟会再点尼个丼
铁板滑蛋白豚定食 $88
上桌仲系「咋咋声」㗎 ！
猪扒大大块
几乎覆蓋晒下面嘅滑蛋
炸粉够薄 香脆好味
而日式滑蛋亦必有味醂味道
加入大量洋葱丝 惹味又下饭
软壳蟹沙律 $52
炸得热辣辣 大大只
又系几乎覆蓋晒下面嘅沙律菜
推荐
火炙海盐鹅肝寿司 $52
鹅肝看似火炙得有点干身
入口发现其实有做到外脆内软
海盐提味亦非常恰到好处
离开时大约8:30pm
见到外卖寿司大割价 好抵呀！
已经有好一阵子没来筲箕湾揾食，早两日有好友报料，话筲箕湾道形荟 1 楼新开左间「九井食堂」。
呢间日本餐厅喺食评网一向人气高企，所以一直好想揾日去帮衬，不过总店喺香港仔，位置稍嫌有点吊脚，而家开到落嚟东区，就晒我，当然唔可以错过。
餐厅装潢非常抢眼，门面采开放式，店内面积颇大，空间阔落，环境相当开扬，墙身上的壁画，色彩缤纷，令人心情愉快。
餐牌印刷得很精美，食物选项非常丰富，除了寿司、刺身、卷物等之外，仲有丼饭、天妇罗、锅物、定食及小食等供应。另外成人每位只须付 $13 便可以无限量任饮汽水、咖啡、茶或特饮。
我哋点左三文鱼三色丼定食 ($130)、牛肉寿喜烧 ($92)、海老天妇罗 ($45)、盐烧日本油甘鱼鲛 ($68) 同 海苔鱿鱼 ($28)。
三文鱼三色丼卖相非常吸引，三文鱼肉质很嫩滑，油润肥美，而且块块都好厚切，口感一流！帆立贝鲜嫩爽口，味道清甜，加埋咸鲜不腥嘅三文鱼籽，三种鲜味十足嘅食材摆埋一齐，简直系完美配搭，食完真系超级大满足！
除左丼饭，个定食仲包括有滑溜又富蛋香嘅茶碗蒸、清爽醒胃嘅和风沙律同咸淡适中嘅面豉汤。
锅物嘅汤底可以自选，有寿喜烧、韩式泡菜同我哋拣嘅猪骨浓汤可供选择。汤底用左大量猪骨熬制而成，入口浓郁味鲜。至于材料就有特选牛肩胛、豆腐、金菇、鳕鱼腐、冬菇同椰菜，分量十足。牛肩胛肉质好爽滑，入口牛味香浓，只须简单灼一灼已经很滋味。
另外个锅物仲可以选配赞岐乌冬、御饭、拉面或和风沙律。乌冬雪白滑溜，极富烟韧口感，入口柔软弹牙。
钟意食香口嘢嘅话，就一定要试下呢度嘅海老天妇罗。虾只好粗身，肉质结实弹牙，外层的炸浆厚薄适中，入口香脆热辣。
鱼鲛大大件，即点即烧，送上来时仍热辣辣。鱼皮好香脆，色泽金黄，鱼肉雪白，食落有弹性，而且弄得很入味，咸鲜有致。
另外个海苔鱿鱼，食味亦不俗，鱿鱼烟烟韧韧，海苔味突出，香口又唔油腻。呢餐食得好满意，下次有时间会再嚟试下佢哋嘅卷物同寿司。
