今次荃湾人有口福啦，荃新天地开咗间好靓嘅Cafe店，Cafe楼底超高，仲有靓靓嘅紫色櫈坐添点餐过程就系先去收银俾钱，然后食物就会送到黎你嘅座位，呢度仲有唔少好精致嘅蛋糕同面包，例如有色彩缤纷嘅孖宝蛋糕同牛角包当然仲有咁少件装蛋糕，可以买返屋企慢慢叹，但我难得嚟到梗系要坐底试吓啦香茅姜茶都够晒睇头，用左一个白色既陶瓷茶壶，高贵典雅
依家仲有个set嘅餐，一碗杂菜汤跟意粉或者pizza都系$98，杂菜汤果然好足料，有好多唔同嘅蔬菜粒
蟹肉意粉就够晒鲜味无穷
钟意食Pizza 既话就可以试吓呢个四色芝士pizza，仲有个蜜糖浆可以点添
最后仲加$25叫咗件原本价值$52既蛋糕，浓郁既开心果味道，配上软滑既质感，令人食极唔停

在荃湾大型商场地下新开了一间食肆，餐厅簇新的装修 ，店内简洁明亮令紫色的椅子更抢眼。

门口餐牌上，汤/沙律 + 即叫即制三文治 /意粉 /薄饼($98) ，再加是日蛋糕/经典米兰咖啡($25)，价钱都合理喔！拣啱就去购票，然后坐下等侍应送餐。

我哋都拣意大利面杂菜汤， 健康蔬菜， 多饮有益，增加维他命C， ！

经典卡邦尼意粉 ， 钟意意粉质地， 食落有弹性带点烟韧 ， 而酱汁刚好挂在每条意粉上，而切小片的烟肉比一般的厚，真系掂！

鸡肉香草酱薄饼， 馅料有橄榄，芝士， 鸡肉， 而放在薄饼上的鸡肉用上香草酱混成更添色彩， 够特别！

椰香朱古力蛋糕，淡淡椰香夹朱古力香，入口软绵绵， 甜度低，真系食多件都得 ，一于买多件带走✌✌✌！

食完晚餐叹番杯经典米兰咖啡，真棒！

之前同哥哥经过Caffe Milani已经俾佢d蛋糕吸引住好啦！今日一齐食蛋糕啦
荃湾街坊一定会去杨屋道街市买.早几日同哥哥经过见到啲蛋糕佢已经好想食今日终于抽倒时间坐低一齐叹番件蛋糕虽然话我哋主菜系蛋糕最终我哋都叫埋意粉同汤再加多杯饮品！黎返个全餐
佢地个蟹肉扁意粉绝对有惊喜！因为啲蟹肉份量十足佢仲俾埋个柠檬仔俾我哋吱啲汁上去！加埋落去真系好醒胃啲意大利粉煮到啱啱好非常有弹性又有咬口
蟹肉南瓜忌廉汤同样地蟹肉味道非常浓郁啲南瓜蓉打到非常creamy！入口即溶谂起都想再饮！
蛋糕我哋一人拣咗一件！哥哥要意式萨赫蛋糕！香浓嘅朱古力食到哥哥停唔到口我就拣咗米兰芝士蛋糕虽然外表平凡！但系食落去真系非常满足！芝士味道好浓郁好creamy！
最后我哋拣咗杯洋甘菊茶一齐share中和返蛋糕嘅罪疚感！饮番杯茶即刻觉得冇咁邪恶
佢哋嘅蛋糕仲可以外卖添！哥哥话下次陪我买嘅时候再买多几件返去同家姐一齐分享㖞

餐厅位于荃湾，主打的就是意大利式甜点，味道十分不错，最重要性价比较高，加上我最欣赏的就是他的手工制作雪糕，有多款味道选择，但令我更意想不到的就是甜点可以外卖自取，回家与家人一同分享这个喜悦，这样的感觉真的不错。

喺荃湾想坐低饮杯靓咖啡，路过呢度，见到光猛干净企理，食物种类亦合乎我呢日嘅胃口，咁就决定入去试吓

叫咗 $88嘅「蟹肉扁意粉」、$48嘅「意大利杂菜汤」、$43嘅 Latte Tall + Ginger

「意大利杂菜汤」味道浓郁，好饮。「蟹肉扁意粉」上边有颇多蟹肉，食一啖先，哗！出奇地好味，见到有蒜片、新鲜小蕃茄，仲见到有 Sun Dried Tomatoes，肯加 干蕃茄 证明餐厅好认真，之后我再睇餐牌，原来仲落咗Anchovies, 需知道 Anchovies 煮完之后基本上会溶晒睇唔到，但系会令意粉加添咸香同更加惹味，香港餐厅愿意加 Anchovies 煮意粉，估计唔多，唔怪得呢度嘅意粉咁味美

Ginger Latte 有浓浓嘅姜味，好正。食完已经饱饱，但系「蟹肉扁意粉」实在有惊喜，所以又想试吓佢嘅蛋糕，咁就外卖咗$52嘅「米兰芝士蛋糕」同埋$18嘅「意式经典牛角包」