金记冰室是香港的老品牌，几年前经过转型后，而家成为一个集团连锁经营，新店在筲箕湾开业不久，今日约咗朋友食晏。餐厅装修光猛楼底高，又有大玻璃，感觉开阳舒服。
朋友说经常都点唔到猪膶通粉，咁刚刚问侍应还有最后一份，便立即落Order。另外听说佢呢度嘅海南鸡饭都唔错。咁我亦都点咗一份。
猪润通粉我哋改成米粉，感觉上衬一点，侍应弹性处理唔错，而呢个餐仲包括猪仔包，炒滑蛋同冻饮，都算非常饱肚同抵食。猪润米上枱时仲热辣辣，而且姜丝下得足够，猪润又有用酒醃过，整体上都唔错，汤都饮咗大半碗，而滑蛋猪仔包就茶餐厅水准，合格
我点的海南鸡饭是去骨版本，连鸡中翼都去埋骨，够细心，有甜豉油姜油点鸡，仲有例汤加杯冻饮都系$68，相当抵食。鸡肉十分之嫩滑，连鸡胸都唔乾，但主角反而系碗油饭，充满南疆香茅的香味，唔使几啖就食哂。而例汤都非常足料，这个套餐抵食，值得推介
港式茶餐厅系香港主流饮食文化，而且梗有一间系你左右，要饮要食，非常方便。但方便归方便，好多茶餐厅食物和服务水准都唔够稳定，有时真系食到一肚气。讲食物和服务水准够稳阵，就非金记冰室莫属。小弟系金记常客，总是喜欢佢食物和服务水准够稳定，而且食物款式选择多，价钱又经济实惠。唔知系咪好多香港人都有同感，见佢开完一间又一间，最近更开到筲箕湾形荟新商场，当然要先食为快！其实金记冰室前身为筲箕湾大排档，今次真系强势回归。正是新冰室，新商场，新装修，楼底又高，加埋单边一排大玻璃门窗，环境开扬，坐得舒适。
金记食物款式选择很丰富，晚饭时间，就简单叫了个2人自选小菜餐，加个金砖风沙豆腐和甜品金粒西多配雪糕。
2人自选小菜餐可选2个小菜，选了霸王鸡(例牌)和榄菜肉崧四季豆，另送老火汤、白饭和饮品。是日老火汤是南瓜雪耳木瓜猪骨汤，汤底清甜又滋润，火候足，喝了一碗，意犹未尽。
霸王鸡(例牌)份量唔错，鸡件肉厚，鸡肉嫩滑，配上香葱酱油，都几滋味。
榄菜肉崧四季豆，四季豆色泽翠绿，配上鲜红辣椒丝、肉崧、榄菜，卖相不错。四季豆炒得干身香口，镬气十足，加上惹味的肉崧和咸香榄菜，用嚟捞饭，最适合不过。
金砖风沙炸豆腐就出奇的好，豆腐即点即炸，上枱时热辣辣，豆腐成长条状，件件大小均混，入口外脆内滑，味道交足功课。
饭后甜品是金粒西多配雪糕，金粒西多size适中，粒粒炸至金黄微焦，充满蛋香，再加上炼奶和冰冻云呢拿雪糕，真是最佳配搭。
至于饮品香滑冻奶茶和黑牛，都是冰室热门饮品，水准到位。
