早几日睇左份周刊，介绍荃湾好去处，当中提到「OP Mall 海之恋商场」，原来入面有好多值得一逛的店舖。

讲起上嚟其实都觉得自己好大乡里，个商场开左咁耐，一直未嚟过。见今日有人话自己得闲，可以陪我过去行下，即刻攞左半日假，一于先吃午饭，然后再去 Shopping。

在场内行了一圈，有人即刻睇中左呢间由艺人李家鼎 (鼎爷) 所开设的食肆「鼎家喜筷」。

餐厅走年轻人路线，店内外都有唔少鼎爷嘅 Q 版肖像，满布不同角落，样子和蔼可亲，令人留下深刻的印象。

先看餐牌，食物以大众化的港式烧味为主，另外亦有点心、小食、锅饭定食、足料靓汤、茶饮及甜品等供应。

我哋点左火焰黑豚腩叉烧、两个烧味饭 同 一客甜品，每个烧味饭都会配沙律同指定热饮一杯。沙律用料新鲜，内有车厘茄、粟米粒和沙律菜，配上胡麻酱汁，清新开胃。

先吃原只柑橘烧鹅髀饭 ($128)，烧鹅采用鲜橙、柠檬和青柠等新鲜水果醃制，鲜果嘅果香完全渗入鹅肉中。鹅肉食落好松化，肉嫩又不过肥，而且入口完全无鹅羶味。吃时可先沾少许以鲜橙熬制嘅鼎家手工柑橘酱，入口充满果香，清而不腻。

至于另一碟男人终极浪漫原条烧腩饭 ($99) 亦很值得一试。腩仔原条上，外皮十分香脆，腩肉肥瘦相间，层层分明，肉质腍而不散，而且味道醃得啱啱好，唔会过咸抢走肉味，确系出色！

接着送上的火焰黑豚腩叉烧 ($148) 亦好有惊喜，叉烧用小火炉承托著上桌。店员先替我们点火，然后把切成厚片的叉烧两边不停来回反转。急不及待挟了一件品尝，肉质好松化，既软绵又多汁，色香味俱全。

跟饭饮品点左马骝搣乌龙芝士奶盖 (+$28) 同芒果沙冰 (+$28)，奶盖芝士味浓，Creamy 够滑，富奶香，茶底甜度刚好。沙冰用料十足，内有不少超甜芒果肉，冰凉又解渴。

甜品点左鲜果窝夫 ($68) 窝夫外脆内软，咬落口感十足，面头的北海道 5.0 牛奶雪糕亦唔输蚀，牛乳味超强，与热辣辣的窝夫互相冲击，感觉截然不同，食完真系劲满足。