见好耐冇食日本嘢，咁啱搜寻附近就见到呢一间好似性价比几高嘅餐厅，决定一试！

入到餐厅，随即用QR CODE落单，真系眼花撩乱，每一种款式嘅食品都系五花八门而价钱上又相当合理，所以唔理咁多，嗌到成枱都系食物！

今晚叫咗时令刺身同少量寿司，餐厅居然用一架船装起晒佢哋。（大到吓亲人，放满成张枱）刺身超过八款刺身，三文鱼腩、吞拿鱼、池鱼、有头甜虾、带子、赤贝、海胆、鲷鱼。全部超级新鲜同肥美！连平时唔系好食池鱼既我，今次都食唔停口，因为真系一啲腥味都无，仲超级厚切（真系食刺身食到饱）

除咗刺身之外，仲叫左黑松露鹅肝丶北寄贝丶厚切鳗鱼丶龙虾沙律皇帝蟹柳丶左口鱼边寿司。超级推介黑松露鹅肝寿司，黑松露好香，鹅肝被火炙过，烧到少少脆边。寿司饭嘅醋味适中，餐厅豉油亦都唔会太咸，两者十分兼容。

好多时入到日本餐厅都会叫小食，今次亦都唔例外。叫咗份日式煎饺子，师傅炸得金黄，脆口，配上泰国酸辣酱，真系好好味！

另外仲叫咗一个青瓜蟹籽沙律，满满的一大杯，青瓜是特别清新，蟹籽份量亦相当足够！

总括嚟讲，系一间性价味超高，质素惊人既日式小店。温馨提示，餐厅有一个小小嘅外卖位置，你都可以买到肥美厚切嘅刺身返屋企㗎！

餐厅：东京街日本料理 (太子)
地址：太子西洋菜南街228号地舖

位于太子嘅东京街日本料理，之前只有一间寿司外卖店喺水渠道果边，而上年年尾佢哋就喺西洋菜南街开多间可以堂食嘅日式餐厅。除咗有一幅黄到爆嘅文宣墙之外，佢哋嘅嘢食仲要好平好有质素，吸引咗唔少食客，星期五嘅晚上嚟到，唔够7点就已经坐满晒人

东京街有接近90款寿司俾你选择，手卷都有成50几款，仲有唔同嘅刺身、炸物、锅物、和食、丼饭同便当等，包你就算每日嚟都有唔同嘅嘢食可以拣

今次我哋两个人就叫咗一堆食物：
杂锦寿司 $271
杂锦刺身 $120
北海道雪花牛肉锅 $68
炸饺子(六件) $28

叫咗13款共26件寿司，平均都喺$10件左右，当中有海胆大赤虾寿司、北海道带子寿司、蒲烧鳗鱼寿司，仲有比较特别嘅火炙黑椒蒜香和牛寿司、黑椒三文鱼酱油渍寿司、火炙芝士蟹棒寿司等，我自己尤其钟意食火炙嘅寿司，食落真喺香好多惹味好多，整体都唔错，唯独海胆有少少腥

刺身亦都系平均$10件，大件得嚟都够新鲜，值得一提佢哋嘅摆盘同装饰好吸引，将所有刺身堆砌喺一个超大嘅螺型大盘上面，再放上冰块同充满日式味道嘅装饰，净喺叫嚟打卡都值

牛肉锅用咗寿喜烧汤底，一上台就闻到浓郁嘅雪花牛肉香味，牛肉嘅油脂渗入汤底，再随住热气挥发出嚟♨️，未食都知一定唔错；当中仲加入咗鸣门卷、粉丝、豆腐、京葱、娃娃菜同生鸡蛋，$68嚟讲都几抵食

炸饺子嘅摆碟亦唔马虎，虽然饺子外皮有啲厚身同硬，但咬落原来香脆可口，馅料有猪肉碎同葱，蘸埋酸辣酱嚟食就无咁dry