又一间古早味蛋糕嘅推介，首先餐厅嘅装潢好特别（估计店主真系好钟意猫）！而蛋糕款式都几多。好容易令到我有选择困难症

👍🏻养生黑芝麻
湿润度做得啱啱好，里面配料唔会话特别多特别少，口感松软亦都带有好浓嘅芝麻香味！（店员话佢哋系用台湾直送嘅黑芝麻，食落真系几有芝麻糊嘅味道），全个蛋糕冇添加任何色素都能够做到如此灰黑色，证明真材实料！

👍🏻软心朱古力
一个食完唔觉得甜腻嘅蛋糕，里面亦都有浓浓嘅朱古力酱，口感同样松软！

👍🏻👍🏻环境干净卫生，而且标志十分抢眼，无论包装袋、包装盒或是蛋糕上的印台都见其用心。

💡餐厅会不定期进行唔同优惠，有时$35就有一底蛋糕（超级超级优惠）

今日嚟黄大仙做嘢，收工打算去附近行下。喺新光中心地下见到有间卖古早蛋糕店舖嘅易拉架，原来呢个商场都开左间古早蛋糕店，一于上去八下。

店舖嘅装潢好吸引，店面放满了喵星人公仔。门口仲有个大电视，介绍佢哋嘅猫咪店长「小吉」，样子非常 cutie，圆溜溜的眼睛很俏皮，好有 camera face，原来只有 7 个月大咋。

睇完可爱嘅猫猫，咁当然要帮衬下啦，睇下蛋糕有咩口味先！原来款式都唔少，而且当中有四款仲做紧开业醒神优惠，最平 $35 就已经有交易，十分化算。

拣左养生黑芝麻 (原价$68、折后$55) 同 招牌咸蛋黄芝士 (原价$75、折后$70)。连个包装袋、纸盒同蛋糕都印上了自家品牌嘅猫咪 Logo，形象鲜明，令人留下深刻印象。

先试下个养生黑芝麻味，蛋糕嘅质感甚佳，糕身湿润松软，不甜不腻，入口散发著浓郁嘅芝麻香气。尤其是中间深黑色嘅夹层，芝麻味更是浓香扑鼻，真系好似食紧芝麻糊一样，感觉十分养生！

至于另一款招牌咸蛋黄芝士，用料亦不欺场，入口蛋味香浓，而且质地好似海绵一样咁松软，加上咸蛋黄嘅咸香，令蛋糕嘅味道层次更丰富，又不会过腻。夹层的流心芝士，仲有拉丝效果添，唔怪得店员话呢款蛋糕系店舖嘅 No.1 人气之选。

唔知下次嚟会唔会见到佢哋嘅猫咪店长呢？