今日黎到铜锣湾食泰国菜，餐厅有少少难揾，原来地址系怡和街但系正门入口系渣甸街。

咖喱羊膝

羊膝超大只，肉质煮到好软稔，好容易就可以拆开。食落完全唔膻，羊肉仲几嫩滑。咖喱风味浓郁，入口唔觉原来辣味既后劲都几强。切细既羊肉可以配几片香脆既蒜蓉包同咖喱一齐食。

杂锦海鲜拼盘

非常之丰富，除左有烧鳗鱼，烧鱿鱼，仲有烧大虾同木瓜沙律。烧鱿鱼烟烟韧韧好有口感。木瓜沙律微辣，烧虾肉质弹牙。最好食既我觉得系烧鳗鱼，唔单只烧到层皮又香又脆，肉质又滑仲要冇骨。仲有2款唔同既辣酱可以点烧海鲜黎食。

饮品方面我地叫左mocktail，分别系带点酸酸甜甜又有少少苦味既lemonade bitter，同颜色好靓味道好清新，带橙香既Virgin taste of maya。2杯都唔会太甜。
。
。
SAYAM Thai/Bar
铜锣湾怡和街22号3楼
。
。

自从恢复晚市堂食后，朋友们都纷纷相约晚饭一聚。今晚就有个好姊妹约左我嚟铜锣湾呢间由泰国厨师班底主理嘅「SAYAM Thai/Bar」吃新派地道泰菜。

餐厅占地全层，地方颇大，环境宽敞阔落，空间充裕。装潢以木系台櫈为主调，配以窗边嘅花束和墙身上嘅植物壁画，风格清新，令人感觉舒适惬意。

餐牌分食品和饮品两份，食品有汤、沙律、小食、串烧、拼盘、咖喱、海鲜/肉类、蔬菜同饭面；而饮品就有 cocktail、mocktail、泰式特饮、啤酒、汽水、果汁及咖啡等。

点左椰汁鸡汤 ($84)、烧海鲈鱼 ($274)、香叶肉碎饭配太阳蛋 ($98) 同 一碟马拉盏炒西兰花&椰菜花 ($88)。

碗椰汁鸡汤标明系一人份量，但系估唔到原来都咁大碗，内有不少蘑菇、蕃茄、肉碎和洋葱，绝对足够两个人分享。汤底用上新鲜嘅椰青水，再加鸡汤熬制，汤身好柔滑，入口非常香浓，而且饮落仲带微微酸辣，够晒惹味。

平时食泰菜，多数会拣明炉烤鱼，今次就一于搞搞新意思，试下呢度嘅盐烧海鲈鱼。鲈鱼以木托盘原条奉上，揭起外皮再拨开鱼身上嘅香料，雪白嘅鱼肉即时活现眼前。鱼肉非常嫩滑，味道鲜甜，咸鲜中更渗出淡淡香料嘅清香，连酱汁也不用蘸已经很美味。

至于碟香叶肉碎饭，食味亦一流，超有泰国回忆。啲肉碎炒得好香口，内有豆角、香叶和辣椒粒，入口热辣辣，香喷喷，可见镬气十足。旁边嘅太阳蛋娇艳欲滴，而且仲要系流心兼打孖上，用来佐饭吃，满足又滋味！

压尾出场的马拉盏炒西兰花&椰菜花 ($88) 水准亦唔错，西兰花色泽翠绿、椰菜花爽脆清甜，配上马拉盏，味道咸咸香香又有少少辣，非常可口。