最近成日都喺将军澳海旁附近揾食，今次发现咗间装修富有日本特色嘅餐厅，用咗日本神社狐狸做主题 。

餐应占‭地 2,600 ‬平‭方‬呎‭，空间感十足，店内仲划分咗多个用餐区域，有半私人用‬餐‭区，适合同朋友聚会用餐。‬同时菜式选择多元，‭除咗有前菜丶手握寿司丶刺身丶乌冬同饭类，仲有串烧、扬物、天妇罗同关东煮，可以话系一应俱全。‬

.
原个日本菓子蕃茄沙律（$65）
蕃茄鲜甜多汁，味道似喺醃渍过，下面配上吞拿鱼沙律，喺个非常好食嘅开胃菜。
.
日本生蠔伴海胆三文鱼子柚子醋（$135）
呢个简直就系将所有海洋嘅至宝集于一身✨，有鲜甜嘅海胆，新鲜嘅三文鱼籽，最底仲有一只嫩滑嘅蠔，矜贵之余真系好好食❤️。
.
银鳕鱼西京烧（$155）
鱼肉入口嫰滑，口感柔润细腻。烧得啱啱好，外皮焦脆，食落满口鱼油香，推荐。

鲷鱼日本土锅饭（$298）
土锅饭用上珍珠米，粒粒饱满圆润，口感黏笠软绵。个饭本身落咗调味同紫苏叶、葱、姜丝，再加上三文鱼籽提升鲜味，简简单单味道都唔错。鲷鱼唔算老，不过口感平实，如果能够配上油份多啲嘅鱼可能会更吸引。饭嘅份量好多足够分到4碗，适合同一家人分享。
.
海虾天妇罗（$128）
天妇罗有三大只，每只都有手板咁长。外面炸皮薄脆而且完全唔油腻，中间虾肉饱满，晶凝通透有鲜味，完全食到日本嘅水准，应该系草根食到最贴近日本质素嘅天妇罗。
.
焙茶焦糖炖蛋($55）
焦糖脆面做得非常好，薄脆得嚟又唔会过㶶，下边嘅炖蛋幼滑，虽然食唔到焙茶味，不过整体食落感觉讨好，好好食。
.
水信玄饼($48)
水信玄饼比预期中细件，感觉冇咁抵食，不过配上黑蜜同埋黄豆粉味道都唔错。
.
本店 (将军澳)
将军澳唐俊街18号The Parkside第一座地下G07号舖