如果钟意食海南鸡嘅，一定会听过「栢档」呢个名字，因为品牌开业超过 14 年， 虽然唔算好长，但都可以话系同香港人一齐成长。
之前喺北角返工，经常会去佢哋位于港运城地库美食广场嘅分店帮衬，不过自从调左去九龙上班，已经好耐无食过佢哋嘅海南鸡。
今日去坚尼地城探个朋友， 佢带左我嚟「栢档」食午饭，原来卑路乍街都有分店。
餐厅的装修好有睇头，由门面以至室内的布置都很清新，以浅绿色和白色为主调，配上墙身的植物装饰，设计充满大自然气息。
我哋点左个二人套餐 ($188)，套餐包：皇牌无味精靓汤或饮品 2 杯、极品海南鸡半只、一客主菜、 健康翠绿时蔬、鸡油香饭或丝苗白饭 2 碗，就算想配多杯饮品，都只系需要另加 +$8，非常超值。
好耐无食过佢哋嘅海南鸡喇，真系好挂住！虽然咁耐无食，依然保持到水准。鸡只选用龙岗三黄鸡，以姜和香茅等香料浸过，肉质嫩滑又 Juicy，甚至连鸡皮都好爽口，一点也不肥腻，蘸点带甜味的黑酱油或艳红的酸辣酱吃，一样咁滋味。
米饭用鸡油及香料煮过，每粒饭都沾满油光，绝对系真材实料，咬下粒粒分明，相当香口。
附送的靓汤，用料十足，内有南瓜、粟米、红萝卜和猪骨，汤水味道非常清甜，鲜味十足，饮得出无落味精。粟米可提高免疫力；而红萝卜则有健脾胃、益肝明目功效。
主菜点左卤水元蹄，元蹄上桌时已经切件，蹄肉入味又绵腍，卤得咸甜适中，尤其是𠮶层肥嘟嘟的猪皮，软糯胶着，滑溜甘腴，真系令人忍唔住口。
是日时蔬为蠔油唐生菜，入口新鲜爽甜，完全无苦涩味，食完咁多肉，食返碟菜平衡下，真系唔错。
+$8 点嘅冻柠宾，酸甜并重，口感冰凉，柠味突出又唔苦涩，爽！
拥有或管理这家酒店？ 免费获取您的详情页以便回复点评、更新资料或者进行其他操作。