虽然晚市堂食已经恢复，但仍与朋友一齐去食early dinner！烧肉放题120分钟，拣咗最贵嘅澳洲M5和牛吃到饱套餐 ($358)，除咗可食尽81款食物外，每位仲赠送「严选牛舌心」
肉类、海鲜、台式小食或手调饮品等可用手机透过QR code落单，而罐装饮品或蔬菜类等可系自助区自取！
套餐嘅肉类超过30款，单系牛类已有15款，当中澳洲M5和牛、澳洲和牛保乐肩、SRF极黑牛肩胛肉、SRF极黑霜降牛肉眼及盐选牛舌都有encore呢4款牛肉都系油脂均匀，食落牛味浓又软嫩，口感或味道唔会有太大差别盐选牛舌则切成薄片，轻轻烧吓就食得，相对牛肉会较有嚼劲但当然不及赠送嘅牛舌心牛味浓之余又爽口弹牙，可惜每人只得2件，想再食就要另外收费
另屏东烧鱼腹系必食，鱼肉沾上甜甜地嘅酱汁，烤过后鱼油被迫出，而且又烤得焦香，好似食紧肥美嘅烧鳗鱼帆立贝及虎虾都ok，但丝瓜煮蚬就较逊色，不但蚬肉有沙，汤底亦较咸；另原住民盐烧肉都几好食，跟配嘅酱汁味道酸酸地，食落几惹味，用嚟蘸牛肉都好夹猪肉干及鸡泡鱼干轻轻烤吓就食得，非常香口卤水凉拌鸭舌好腍好入味，确系唔错嘅台湾小食
自助区嘅饮品选择都几多，有罐装饮品、自家制冷泡茶或热饮等，我哋点咗手调饮品 - 百香果绿茶，手调饮品可拣选冰量及甜度，味道酸酸甜甜，够晒解渴甜品就只得Haagen-Dazs雪糕及柠檬爱玉可拣，柠檬爱玉加入咗柠檬片、椰果及珍珠，味道清新有口感，作为饭后甜品确系不错
拥有或管理这家酒店？ 免费获取您的详情页以便回复点评、更新资料或者进行其他操作。