友人最近迷上左行山，一得闲就会呼朋唤友出动。我对行山兴趣不大，不过就十分喜爱逛公园，趁今日假期，一于约埋老公去维园行下。

回程时，有人提议带我去「Park Aura 亨环‧天后」新开嘅美食市集吃点东西，然后再去二楼嘅 Feast Market 逛逛。

原来这个美食市集 Food Loft 一共有两层，位于地面同一楼，细心数过，都有成十几间餐饮店舖，均以外卖为主。

由于大家都不太肚饿，只想吃点轻食，所以就拣左地下转角位间韩国过江龙街头小食店「阿里郎」，打算外卖两只热狗棒。

初头还盘算紧应该拣边款口味，见到店员制作紧韩式吐司，外形非常精美，十分诱人，所以即时转軚。

睇左餐牌，多士一共有 5 款口味，当中包括有：鸡蛋芝士、蒜香烟肉芝士、双重芝士、烤肉芝士同鸡蛋牛油果。

我哋点左蒜香烟肉芝士多士 ($44) 同 烤肉芝士多士 ($46) 各一份。

两款三文治卖相都非常 Instagrammable ，每份都用一个硬身嘅纸盒装住，既卫生又方便食用，仲唔怕整污糟手指添！

先试下份蒜香烟肉芝士多士，面包以蒜蓉酱烘烤过，入口蒜味好香浓。内馅有罗勒碎、烟肉、芝士同鸡蛋。鸡蛋炒得非常嫩滑，食嘅时候仲有蛋汁流出，夹埋入面块芝士一齐食，真系超邪恶。

至于另一份烤肉芝士多士，用料亦绝不马虎， 面包底面都烘过，食落脆口得嚟又带点微甜。入面嘅馅料下得很慷慨，几乎流泻咁济， 有烤肉酱、烤牛肉、鸡蛋同车打芝士，十分丰富。鸡蛋香浓滑溜；牛肉鲜嫩多汁，入口咸中带甜，十分惹味。