#Fat99eat红磡❤️
Fat9呢家介绍既呢间餐厅真系无可挑剔
我所叫既每一样野每一样野都系好味冇负皮
姐系妳每放一样野入口 之后你对眼都会突左一突
然后你会由心咁讲一句 好好味㖞 咁样
你心谂可能会觉得有冇咁夸张啊大佬
但Fat9向来诚实食评 唔信既话你去食一次就知
包你食完会成日帮衬 仲会介绍埋比身边既人去食
虽然佢呢间餐厅个位置系有啲偏僻
但行多几步姐 呢几步食到啲咁高质素既野 抵啊
﹊﹊﹊﹊﹊﹊﹊﹊﹊﹊﹊﹊
☞ 虫草花胶鸡汤米线 68$
大佬 呢碗米线68$ 啲鸡同花胶大旧到好似唔洗钱咁唔系出面比旧骨你就算 仲要咁大旧 件件厚肉都比几旧花胶又系 唔洗特登去影就咁影都已经见到啲花胶大大旧系面除左佢啲大件夹抵食之外 Fat9最想赞既就系佢个汤底 Fat9食到落尾个汤底系清哂架唔系讲笑好味到 饮哂成碗都唔会觉得口渴 唔系味精汤黎 个汤底系真系够哂清甜 大大阵鲜鸡味❤️
﹊﹊﹊﹊﹊﹊﹊﹊﹊﹊﹊﹊
✎原只红虾龙皇汤阳春面 98+8$ (阳春面另加8$)
呢个面一拎上台已经闻到好重虾既鲜味Fat9即刻试饮左啖汤先 又系可以成碗饮哂 阵味系鲜到..阳春面索哂个汤 一啖面再加啖汤真系食到幸福既感觉出黎点解佢啲汤底可以做到咁出色而啲呢佢就有只大大只既虾又有蚬 带子同埋帆立贝 啲又系多到好似唔洗钱咁只虾够哂大只 唔系霉虾 实肉够新鲜连啲蚬都系大大粒 粒粒都够哂肥美 食落口啖啖肉又够哂鲜味
﹊﹊﹊﹊﹊﹊﹊﹊﹊﹊﹊﹊
☞油醋海蜇花 58$
呢个小食劲特别 海蜇周围都有得食 海蜇花Fat9就真系第一次接触佢食落口同海蜇系唔同 佢比海蜇更加爽口同埋比海蜇更加有咬口 佢个口感丰富过海蜇 加埋佢个油醋味又有小小辣味 每到成件事升华左 呢个小食必叫 好好味
﹊﹊﹊﹊﹊﹊﹊﹊﹊﹊﹊﹊
✎桂花蜜糖鸡翼 25$ 3只
即叫即整 上台热辣辣 鸡翼表皮够哂脆加埋个蜜糖 仲有淡淡既桂花香味 记住食个时时点多啲蜜糖 入口会更加好食 够哂味钟意食煎炸野既朋友 呢个记住唔好放过
﹊﹊﹊﹊﹊﹊﹊﹊﹊﹊﹊﹊
☞凉拌莲藕片 25$
每块莲藕既薄度都一样 而且块块都够哂爽口食落口嗦嗦声架加埋个凉拌汁 辣辣地伴随住啲麻油香 连啲小食都咁出色 得唔得架
﹊﹊﹊﹊﹊﹊﹊﹊﹊﹊﹊﹊
✎黄金炸鱼皮 35$
呢到啲炸野即叫即炸 够哂新鲜同脆口佢个黄金炸鱼皮啲黄金都唔惹小 系见到大大旧咸蛋黄 啲咸蛋系多到起沙架阴功 冇偷工减料架起沙起到沙落口有啲浆住既感觉 35$完全值回票价
﹊﹊﹊﹊﹊﹊﹊﹊﹊﹊﹊﹊
☞洛神花茶+柠檬金桔 18$
平时出去饮个啲洛神花茶系茶包加糖水而佢呢到既洛神花茶你唔会觉得佢系假甜而且仲会有阵山渣味 而佢既酸甜度亦都适中
而佢既柠檬金桔Fat9就觉得佢系偏甜个只 金桔味重过柠檬味 柠檬味冇咁出 但Fat9几钟意佢阵味 唔错
﹊﹊﹊﹊﹊﹊﹊﹊﹊﹊﹊﹊
↬味道: ☻ ☻ ☻ ☻ ☻ ☻ ☻ ☻ ☻ ☻/5
↬服务: ☻ ☻ ☻ ☻/5
↬环境: ☻ ☻ ☻ ☻/5
原作养生汤米线 (红磡)
红磡必嘉街120号黄埔花园三期翠杨苑地下34号铺
拥有或管理这家酒店？ 免费获取您的详情页以便回复点评、更新资料或者进行其他操作。