应好友邀约去旺角「金鸡广场」食晚饭。初头还以为又是去哪一间他经常帮衬嘅小厨，原来友人发现地下开左间「点心到 MIX•大排档」，所以想同我嚟试下。

据说这间新开嘅中菜馆系佐敦庙街「点心到」嘅旗舰店，早午市以供应点心为主，而晚市就以撚手小菜、镬气小炒作招徕。

店舖面积颇大，占数个单位，门面以落地玻璃作设计，让内部环境一目了然。门外放满了食物相片，张张都拍摄得很精美，光看已勾起人食欲。

我哋点左三个小菜，另外再加左两个包做甜品。

黑之恋一口豆腐 ($68) 豆腐炸得好香脆，每粒都四四方方，大小均称，入面超滑，咬下干身不油，真系忍唔住要夹多几粒。

跟住送上嘅保仔左宗棠鸡煲 ($88) 味道亦唔输蚀， 一掀开个煲盖，香气就扑鼻而来。鸡肉先炸后炒，入口外酥内嫩，味道甜甜酸酸又带点辣香，好惹味，用嚟送饭一流。

蒜蓉蒸胜瓜 ($62) 胜瓜蒸得刚好，够腍身，面头铺满蒜蓉同葱花，蒜蓉嘅香味完全渗晒入胜瓜内，非常好吃。

甜品点左芋蓉包 ($10) 同 黑金流沙包 ($10) 各一个，芋蓉包面头的卡通公仔，样子很可爱，内里的芋蓉馅甜度刚好，质感滑顺绵密；而流沙包亦够晒热辣，包身软熟，入口蛋香浓郁，但不会太咸太腻，为这顿晚餐画下完美句号。