餐厅：M Zone 亲和艺术 (尖沙咀)
地址：尖沙咀漆咸围9-11号若璠阁地下

因为家庭嘅巨变，带比呢个屋企入面嘅人不一样嘅经历同成长，造就成一个亲密又有连结嘅家庭，喺2018年一家人开始咗呢间餐厅—— @mzone_cafe ，希望将呢一份爱带到去餐厅入面同每一个客人分享💛

门面一个大大嘅「Love」logo，加上餐厅里面一个大大嘅「爱」字，唔知你又能唔能够感受到呢一份厚爱呢💞？

今次同朋友朋友叫咗几款食物🍽：
柠檬大虾沙律 $98
香煎带子蟹肉黑松露饭 $118
芝士香草鸡扒汉堡 $118

唔知你钟唔钟意食柠檬🍋，我就系一个成日食柠檬嘅人🤪，三只炸至金黄嘅大虾放咗喺一片片嘅柠檬上面🍤，成只大虾连埋柠檬放入口，柠檬嘅清新加上大虾嘅滋味又真系几match几好食😋

先将带子煎香，再蘸粉油炸，整齐咁放咗喺饭嘅上高；黑松露香本身冇咩特别，但系加埋蟹肉同埋捞匀碟边嘅芝士碎同七味粉就惹味好多👍

香脆嘅面包🥯，夹住铺满熔岩芝士嘅原块嫩口鸡扒、蕃茄片同埋生菜🥬，同朋友一人一半，一齐分享「芝」味🧀，另外仲可以拣原味或者辣味嘅脆炸薯条🍟，一边食一边倾偈，简单嘅一餐顿时都变得丰富咗好多🥰