餐厅：伊太屋 (天后)
地址：天后琉璃街4号地舖

最近比我发掘咗天后一间好Chill嘅餐厅伊太屋@itameshi_hk ，伊太屋喺主打日式同意式fusion菜嘅酒吧餐厅🍽，每个高座位底下都有一个超阔放袋嘅位置，对食客嚟讲真系好方便😌

餐厅嘅食物算中等价位，以fine dining同精致卖相为最大吸引点，食物份量唔算大，但喺就可以试到唔少有特色同埋稀有嘅菜式😍

今次同朋友试咗6️⃣款唔同嘅嘢食同饮品：
✝️Cold-冰火流心芝士西瓜扒 $142
✝️Hot-香烧原只北海道带子配鱼子酱 $75
✝️Pasta-鲜味蕃茄海胆有机意粉 $238
✝️Large Plate-秘制清酒牛油酱烧波士顿龙虾配日本鲜海胆及鲜味日式蟹子 $265
✝️Dolce-抹茶Tiramisu $68
✝️Cold Brew-Caribbean fruits cold brew tea $62

爽口嘅西瓜扒轻轻烧香🍉，放上新鲜嘅Burrata流心芝士🧀，Burrata芝士喺将Mozzarella芝士加入cream整成，食落芝士香更浓郁幼滑，而因为Mozzarella芝士喺新鲜嘅芝士，保质期较短，所以价格相对较贵；配合埋抹茶海盐同秘制酱汁，又真系几好食😋

日式原只带子配上日式鲜鱼子酱，鲜味突出，弹牙嘅带子加上一粒粒嘅鱼子，仲有泥糊嘅薯蓉同轻盈嘅分子泡沫，多重口感同时放入口，简直喺升级华丽嘅享受🥰

有机意粉加入新鲜蕃茄酱去煮🍝，另外加上海胆、去皮蕃茄仔同埋鱼子，价钱定位有啲高，而且意粉较为硬身，惊喜唔大，不过茄香都真系几新鲜，唔会有平时加咗现成蕃茄酱𠮶种人工酸甜口感👍

龙虾一上枱就好香好吸引🦞，波士顿龙虾半只，鲜甜嘅龙虾肉一疏疏而且略带有龙虾膏，有埋龙虾钳同细叉，食都食得方便啲；另外仲有两粒用薯仔粒整成嘅日式海胆蟹子伴碟，喺出面真系好少食到配搭得咁好嘅薯仔菜式😎

好戏在后头，成餐最有惊喜嘅喺呢个抹茶Tiramisu🍵，抹茶粉幼细，高雅清新之余仲甘香浓厚，感觉圆润轻柔，同Tiramisu嘅味道不相伯仲，互取平衡，配搭同比例均匀；卖相仲好了得🤩，用咗一个正方形竹盒，面头印咗一个富士山嘅公仔🗻，唔打卡都对唔住自己啦📸