今年生日，男朋友提早一个月喺Klook book咗酒店庆祝，价钱$1650，包一晚房、夜晚及第二朝buffet，亦都remark 咗系庆祝生日🎂 我哋星期日下午3点多到酒店check in，都几顺畅，大概排咗10分钟内，等待期间酒店职员非常礼貌。Check in时候前台同事提早同我讲声生日快乐，前台经理帮手upgrade 房间，不过因为当日check out人都多，职员问如果同类房型吸烟房得唔得，但都好细心地话烟味都会劲浓，我同男朋友宁愿等多阵要间舒服啲嘅房。 喺尖沙咀大概行咗个半钟返到去，原本房间未准备好，职员超有礼貌而且好好再帮我地upgrade到一间景观更好，位于20楼豪华阁楼层嘅房间，景观超靓！完全望海，早晚睇海景真系忘记所有繁嚣！ 晚餐自助餐款式算系多元化，唯一可改善生蠔比较瘦，日本刺身质量都一般般，我最钟意食鹅肝牛扒，encore咗2碟，男朋友最钟意食印度炒饭！ 食饱去咗gym room原来24小时开房，在泳池旁边，泳池仍未开放，但睇落就有啲细。Gym房男朋友话设备估吾到咁齐全，亦都有齐水机、毛巾，非常方便。 差唔多12点，职员送上酒店送上嘅蛋糕(男朋友requ...今年生日，男朋友提早一个月喺Klook book咗酒店庆祝，价钱$1650，包一晚房、夜晚及第二朝buffet，亦都remark 咗系庆祝生日🎂

我哋星期日下午3点多到酒店check in，都几顺畅，大概排咗10分钟内，等待期间酒店职员非常礼貌。Check in时候前台同事提早同我讲声生日快乐，前台经理帮手upgrade 房间，不过因为当日check out人都多，职员问如果同类房型吸烟房得唔得，但都好细心地话烟味都会劲浓，我同男朋友宁愿等多阵要间舒服啲嘅房。

喺尖沙咀大概行咗个半钟返到去，原本房间未准备好，职员超有礼貌而且好好再帮我地upgrade到一间景观更好，位于20楼豪华阁楼层嘅房间，景观超靓！完全望海，早晚睇海景真系忘记所有繁嚣！

晚餐自助餐款式算系多元化，唯一可改善生蠔比较瘦，日本刺身质量都一般般，我最钟意食鹅肝牛扒，encore咗2碟，男朋友最钟意食印度炒饭！

食饱去咗gym room原来24小时开房，在泳池旁边，泳池仍未开放，但睇落就有啲细。Gym房男朋友话设备估吾到咁齐全，亦都有齐水机、毛巾，非常方便。

差唔多12点，职员送上酒店送上嘅蛋糕(男朋友request咗) 同朱古力一盒，非常感谢！

第二日食早餐，星期一冇乜人，职员仲问我哋想坐窗边位定坐近啲拎嘢食，我哋当然拣咗窗边坐得舒服啲，食物方面，有齐中式点心、西式早餐必备嘅薯饼、肠仔等等，最满意系即整嘅奄烈同埋宾尼迪蛋。

酒店超好，安排我哋可以late check out至下午3点，休息咗一阵，就离开了:)

推介大家拣酒店可以试吓:)更多